fbpx Skip to content

Le Instituto del Lingua Klingon

Le Instituto del Lingua Klingon

Fundate in januario de 1.992, le Instituto del Lingua Klingon continue
su mission de reunir personas interessate in le studio del linguistica e
cultura Klingon, e forniente un foro pro le debato e intercambio de
ideales. Notre association es diverse, includente admiratores de Star Trek
que ha curiositate e questiones super le lingua Klingon, jocatores de Jocos
de Rolo que volerea dar le plus autenticitate a un character Klingon, e
anque studiantes e professionales in le campo del linguistica, philologia,
scientia del information, e psycologia que vide le lingua Klingon como un
metaphora utile in le classe o que simplemente vole miscer vocation con
diversion. Ben que illo se establiva in le Statos Unite de America, le
Instituto es realmente un organization international, que actualmente servi
trenta paises, e le septe continentes.

Le lingua Klingon es alique realmente unic. Durante que il ha habite
altere linguas artificial, e altere linguas create pro personages de
fiction, le Klingon ha essite un del vices rar in le qual un linguista ben
preparate ha essite vocate pro crear un lingua pro
extraterrestriales. Addite a isto es trenta annos del phenomeno Star
Trek
, un mytho que ha permeate le cultura popular e se dispersate in
omne partes del globo. Iste factores comencia a explicar le popularitate
del lingua del guerreros.

Si on es un novicio al lingua Klingon le loco pro comenciar es le
Dictionario Klingon de Mark Okrand publicate per Pocket Books (ISBN
0-671-74559-X). Le Dr. Okrand inventava le lingua pro le Studios Paramount
e ha essite un consultor in varie films de Star Trek e in episodios de
Star Trek: The Next Generation. Anque io consiliarea que on
compra copias de Conversational Klingon (ISBN 0-671-79739-5) e
Power Klingon (ISBN 0-671-87975-8), duo cassettas de audio
(anque de Mark Okrand, con le narration de Michael Dorn) que pote adjutar
se a apprender le sonos del Klingon e instruer se in alicun phrases
utile. Si on non pote acquirer iste articulos in su localitate, on pote
acquirer los in le KLI usante su carta de credito, in altere parte de iste sito Web.

Le vehiculo principal del Instituto de Lingua Klingon es HolQeD, nostre revista trimestral. Tote edition include
materiales graphic, reportos, columnas habitual tractante themas del
linguistica, lingua e cultra Klingon. Ultra isto, litteras del membros,
commentante e debattente ideales e discussiones travate in editiones previe
anque pare, apoiante un atmosphera de respecto mutual e discussion
aperite. Plus que simplemente un bulletin, HolQeD es
un publication academic que utilisa un evaluation anonyme facite per su
mesme membros, registrate in le Library of Congress, e catalogate per le
Modern Language Association.

Mesmo si on es un novicio o un experto fluide, mesmo si on nunquam ha
studiate un altere lingua o pote scriber e leger plus que un docena, si on
ha interesse in le lingua Klingon sia invitate a reunir nos in nostra
exploration del lingua del galaxia de crescimento le plus rapide.

Qapla’

Lawrence M. Schoen, Ph.D.
Director del KLI

Translated by “pa’leQOD”


* Back to KLI Home Page

This page was last modified on March 30, 2014 and is managed by:

The Klingon Language Institute is a nonprofit corporation and exists to facilitate the scholarly exploration of the Klingon language and culture. Klingon, Star Trek, and all related marks are Copyrights and Trademarks of Paramount Pictures. All Rights Reserved. Klingon Language Institute Authorized User.