qep'a' Songs
taHjaj wo'
qon HoD Qanqor
tlhegh wa'DIch:
taHjaj wo'
'ej taHjaj voDleHma'
wItoy'mo'
vaj nuquvmoHjaj ta'
Dun wo'maj
'ej Qochchugh vay'
vaj DaSmeymaj bIngDaq chaH
DIbeQmoHchu' jay'!
tlhegh cha'DIch:
– taH – -jaj taHjaj wo' 'ej taHjaj maH!
bechjaj jaghma'; Heghjaj chaH!
– wI- – -toy'- wItoy'bej net Sov net Sov!
val 'ej may voDleHma' pov!
– Dun – wo'- Dun wo'vam, juHmaj; not Dej
– Qoch – -chugh Qochchugh vay' vaj Doghqu'bej!
DaSmeymaj bIngDaq chaH DIbeQ
– -moH – -chu' jay'!
tlhegh wejDIch:
maSopnISbe', matlhutlhnISbe', 'ej maDo'chugh, matlhuHnISbe'
Doch neH wIta'nISbogh 'oH tlhIngan wo"a' HoSghaj toy'ghach'e'
may"a'meyDaq, veS'a'meyDaq, 'ej reH 'ej reH yay'a'meyDaq
Qapla' wIchav 'ej batlh wISuq 'ej tlhIngan wo' nIvghach wImaq
matoy'rupchu', maSuvlaHchu', maHeghqangchu' 'utchugh 'utmo'
'ach Heghmaj yIpIHQo' ghaytan wa'DIch jagh'e' wIHeghmoHmo'
vaj taHjaj wo', vaj taHjaj wo', 'u' HeHDaq tlhIngan juHqo'vo'
vaj taHjaj taHjaj taHjaj taHjaj taHjaj tlhIngan wo'
tera' DIS wa'-Hut-Hut-wej, wa'-Hut-Hut-Soch je joj qonta' HoD Qanqor
(Rich Yampell)
'Iv maH
qon HoD Qanqor
DevwI': 'Iv maH?
ghom: tlhIngan maH!
DevwI': 'Iv maH?
ghom: SuvwI' maH!
DevwI': 'IIIIIIIIv maaaaaaaaH?!?
1.
tlhIngan Hol yejHaD maH.
SuvwI' Hol wIjatlh.
tlhIngan Hol yejHaD maH.
reH nutlhejtaH batlh.
qo'mey poSmoH Hol!
qo'mey poSmoH Hol!
qo' charghlaHbe'bej Hol
lo'laHbe'bogh Dol
(bom. bom. bom.)
2.
wotmey DIparHa' maH.
nubommoHlaH bIH.
wotmey DIparHa' maH.
QaQ je DIpmey 'IH. — 'ach
chuvmeyoy DImaS! — 'ach
chuvmeyoy DImaS!
qaqbe'bej nay' 'eyqu'; bIrtaHbogh
bortaS.
(bom. bom. bom.)
3.
moHaq DIyajchu' maH.
mojaq DISovtaH.
moHaq DIyajchu' maH.
not mapabHa' maH!
lengchu' lengwI'maj.
lengchu' lengwI'maj.
latlh moHaq mojaq je DItu'; 'e'
wInaj.
(bom. bom. bom.)
4.
DevwI'ma' gheS 'angghal.
wItlha'DI' manong.
DevwI'ma' gheS 'angghal.
vavoy ghaH wIpong. — 'ej
qatlh nutlhobchugh vay'. — 'ej
qatlh nutlhobchugh vay'. — vaj
DaSmeymaj bIngDaq chaH
DIbeQmoHchu' jay'!
(bom. bom. bom.)
tera' DIS wa'-Hut-Hut-Hut (?) qonta' HoD Qanqor (Rich Yampell)