tlhIngan-Hol Archive: Tue Jan 16 10:38:30 2007

Back to archive top level

To this year's listing

[Date Prev][Date Next][Thread Prev][Thread Next]

Re: Why Do You Study Klingon?

Lieven Litaer ([email protected]) [KLI Member] [Hol ghojwI']

peqIm HIghwI' rurbogh SuvwI'pu''e'!

Hoch boja'chuqpu'bogh vIlaDbe', 'ach tlhIngan Hol ghojmeH meqmo' SughoHtaHvIS SuHIghmo' jI'IQ. 

tlhIngan Hol jatlhmeH meqmey Sovbejmo' Holvam jatlhwI'pu''e', naDev bIH vIpongbe'.

'ach qeqmeH tetlhvam mejDI' vay' QeHmo' ghaH vaj 'IQqu' ghu' 'e' vIQub. qatlh nuja' lI'be' Holvam lo'? qatlh nupon 'e' nID vay'? qagh HoH.
nuHlIj DawIvpu', vaj yISuv nuja' tlhIngan vIttlhegh. tetlhvam DamuvDI' vaj tlhIngan Hol yIghoj. Daparchugh, vaj yImuvQo'. tetlhmey law' lutu'lu'. pa' Hoch De' qellu'. chaq ram, chaq potlh. chaq yuch Seghmey Del jatlhwI'vetlh, chaq Qa'Hom veDDIr luDel chaH. 'ach SaH 'Iv jay'?! QujqoqDaj lutIvchugh chaH, vaj tInISQo'.

tlhIngan Hol vIjatlhqangtaH 'ej 'oH vIghojqangtaH 'ej 'oH vIghojqangmoHqu'bejtaH Qu'vam vItIvmo' 'ej Dalbe'choH 'oH 'e' vIHarmo'. [mu'tlheghvam vIparHa'] 

mu'mey yap DIghaj, pab yap wIghaj. tlhInganna' Hol laH'e' rurbe' tera' tlhIngan Hol jatlhwI' laH 'e' vIHar. vaj maghojnISbejtaH. (reH taghwI'vaD jIqeS: mu'mey tu'be'lu'bogh tIbuSQo'; mu'mey'e' DIghajbogh tIbuS 'ej tIghoj.)

taH tlhIngan Hol, 'oH wIlo'taHchugh. ngoDvammo' *wIqIpe'DIya* vIchu'qa'ta'.

----
DaH mevyap. qawHaqDaq DIvI' Hol veQ vIlan vIneHbe'. ram DaHjaj Doch wIqeltaH. (qawHaq qanDaq yInej, DIS 1997/1998 yIbuS. pa' jIghelpu': qatlh tlhIngan Hol Sughoj ;-)

tlhIngan Hol yIDel 'ej yIjatlh.

ghItlhvam naQ vImughlaH, 'ach 'oH yajlaHchu'be'mo' Qu'vam vIta'pu'be'. tugh latlh tlhIngan Hol ghItlhmey DIlaDlaH 'e' vItul. SuSuv 'e' pemev. yIghojqa'.

DaH yImugh 'ej yIghoj!  }};-)
pItlh.

Quvar 'utlh.
-- 
Der GMX SmartSurfer hilft bis zu 70% Ihrer Onlinekosten zu sparen! 
Ideal für Modem und ISDN: http://www.gmx.net/de/go/smartsurfer

Back to archive top level