tlhIngan-Hol Archive: Mon Jan 08 11:51:49 2007
[Date Prev][Date Next][Thread Prev][Thread Next]
Re: Purpose Clauses (was Re:
tlhIngan Hol Dalo'mo' QInlIj vIvuv. reH HochvaD tlhIngan mu'tlheghlIj
Damughchugh, vaj tlhIngan QInlIj buSHa'laH Hoch. QaghlIj buSHa'laH je
Hoch. not tlhIngan mu'meylIj luyajnISlu'. vaj not laHlIj DaDub.
QaghlIj buSHa'lu'.
rut tlhIngan Hol wIqeltaHvIS DIvI' Hol wIlo'. qay'be'.
'ach rut tlhIngan Hol neH wIlo'nIS. Hol 'oH. ngoq neH 'oHbe'.
tlhIngan Hol jatlhchugh pagh, Hegh.
Heghpu'bogh Hol vIqel vIneHbe'. yIntaHbogh Hol vIjatlh vIneH.
Doq
maja'chuqtaH:
On Jan 5, 2007, at 7:26 PM, ...Paul wrote:
> On Fri, 5 Jan 2007, Alan Anderson wrote:
>> ja' ...Paul:
...
>
>>> tera'ngan Hol vIlo'bogh QInwIj yIbuSHa', DaSaHbe'chugh.
>>
>> batlh DuqeS Doq. law' tera'ngan Hol QInmeylIj. pIj tlhIngan Hol
>> pabHey bop. 'a tlhIngan Hol Dajatlhchu' 'e' luQaHbejbe' QInmeylIj.
>> bIjatlhchu' DaneHchugh, Duy' tolIj 'e' Harlaw' Doq. 'ej jIQochbe'.
>
> <<talIj>> DaHech, qar'a'? :)
>
> qayaj, 'ach loQ jIQoch. qen, pIj tera'ngan vIlo'. jIQochbe'. 'ach
> tera'ngan tuchbogh chut ghajbe' ghomvam, tlhIngan Hol bopchugh.
> Qochbe'ghach wIchavta' 'e' vIneH, 'ach maQochbe'law'taH Hoch...
cha' qam ghaj ghomvam, 'ach yIttaHvIS wa' qam neH lo'law'. tlhIngan
Hol bop wa' qam. tlhIngan Hol jatlh latlh.
tlhIngan Hol lo'be'chu'chugh nuv, reH ghomvam QInmey yajlaHchu'
nuvvam. naDev lI'be' tlhIngan Hol laH. naDev ghoHtaHghach potlh law'
jatlhlaHghach potlh puS.
Holvam wIyInmoHtaH wIneHchugh wIjatlhnIS. yapbe' tlhIngan Hol bopbogh
DIvI' mu'tlheghmey'e'.
> DIpDaq /-meH/ lulo'lu'DI', moHaq lulo'nISbe'lu' 'e' toblaw' /Okrand/
> mu'tlhegh -- maQochbe'. 'ach tobbejmeH yap'a' meqvetlh?
> lutoblaw'mo' pIm
> pab 'e' Har pabpo', Steven Boozer je. maQoch.
not mu'mey wIlo'chugh, mu'meyvam Datobchugh pagh mu'meyvam
Datobbe'chugh jISaHbe'. ram. Heghpu'bogh Hol DapupmoH DaneH. wejpuH.
lom pup DaneH. lommey vISaHbe'.
> pab choHlu' DaneHbe', 'ach muj mu'tlhegh 'e' DaHarbe' je. maQochbe'.
> mu'tlheghvetlh QIjbogh chutHom vIQutlh -- 'ach chutHom wItoblaw'bogh
> wI'lo'laH 'e' vIHarbe'.
chutHom vISaHbe'. mayajchuqlaH'a'? mayajlaH 'e' Qutlhchugh chutHom,
chutvam vISaH, 'ach chutHom vIqelqa'taH vIneHbe'. chutHom vIlo'.
pupbe'chugh, jISaHbe'.
yItchu'meH cha' qam lo'nIS ghomvam. tlhoS naDev wa' qam neH lo' Hoch.
tlhoS latlh vIlo' jIH neH. toH, qamvetlh vIlo'taHvIS jIyIttaH!
jIyItqa'taH! reH pe'vIl jIyIttaH!
puSmo' jatlhwI'pu', reH tlhIngan Hol neH vIlo'nIS. latlh qam vItoy'.
> chutHom wIlo'laHbe'meH maQochbe'chugh, rarbogh mu' wIpongmeH <<rarbogh
> mu'>> wIlo'nIS 'e' vIHar. chaq ta Duy' vIrar, tuyajchu' 'e'
> vIHarbe'mo'...
> maQochbe'choH 'e' vInID neH...
Qu'lIj Datoy'. Qu'wIj vItoy'.
> ...Paul
Doq