tlhIngan-Hol Archive: Mon Jan 08 13:33:56 2007
[Date Prev][Date Next][Thread Prev][Thread Next]
<<Zelda: choS voDleH puqbe'>> vIQujlI'.
- From: Doq <[email protected]>
- Subject: <<Zelda: choS voDleH puqbe'>> vIQujlI'.
- Date: Mon, 8 Jan 2007 16:35:28 -0500
- Domainkey-signature: a=rsa-sha1; q=dns; c=nofws; s=dk20050327; d=earthlink.net; b=sjjCRXNowA32Kb4YCrEB1HI4YzoH0ag7rlQFjyya1cKsixkODfZNPgC/9C1RyQSO; h=Received:Mime-Version:Content-Transfer-Encoding:Message-Id:Content-Type:To:From:Subject:Date:X-Mailer:X-ELNK-Trace:X-Originating-IP;
QuvvaD tlha'bogh lut vIyInlI':
Sut Hap lInglu'meH Ha'DIbaH vIQorgh. vengHomwIjvaD potlh Ha'DIbaHmeyvam.
vengHom Dab nuvpu' puS. yatlhba' wa' be'. wa' SuvwI' neH ghaj
vengHomvam.
jIHvaD naQ le' chenmoHlI' wa' loDHom 'e' lay' loDHom. jupwI' ghaHba'.
ghotI' jonmeH naQvam lo'lu'.
jaj veb paw loDHomvam juppu'Daj je. rIn naQ, 'ach qembe'. <<naQDaj
chu' ghaj SoSwI'>> muja' jupHomwI'. (be' natlh ghaH SoSDaj'e'.)
<<moy'bI' ghaj Suy. Dunqu'!>> muja' puqpu'.
toQ vIrI'meH tI le' vISuS 'e' mughojmoH jIl. Dochmey muqemmeH toQ
mughojmoH jIlvam.
SaQtaHmo' Suy, moy'bI' ngevQo' Suy. Dachmo' Saj, SaQ.
SajDaj vISam. bIQ buSchu'. SajvaD jISumchoH. bIQDaq ghotI' vIlegh.
toH. ghotI' neHqu'law' Saj.
chaq ghotI' vIjonnIS, 'ach jonmeH naQ vIHutlhlI'. natlhwI' vIghoS.
SaQtaHmo' natlhwI', naQ munobQo'. Dachmo' puq QongDaq SaQtaH. ghaytan
bIQDaq pum. vIHbej bIQ. vIHbogh bIQ vItlha'.
puq QongDaq vISam. ngengHom botlhDaq nagh tu'lu'. naghvam yorDaq
mI'taH mughato'Hom. puq QongDaq ghaj mughato'Homvam.
nagh vItoSlaHbe', vaj puHDaq vIghoS. tI le' vISam. vISuS. toQ vIra'.
puq QongDaq muqem. natlhwI'vaD puq QongDaq vIqem.
naQ munob natlhwI'. ghotI' vIjon. SajvaD ghotI' vInob. QuchchoH 'ej
SuyDaq qet. vItlha'.
moy'bI' vIje'. jIleng. loS ghotI' vIjon. cha' Segh ghotI' vIjon. mach
wej. tIn wa'.
ngem vIghoS. HurghchoH Hoch. targh vImoj. vIjonlu'.
bIghHa'vo' vInargh. wa'maH jav ghewmey le' vIjon. nuv vImojqa'.
ngem chIrgh vI'el.
wa' 'etlh (baS), wa' yoD (Sor Hap), wa' wovmeH jan, cha' bal, wej tIq
je vIghaj. nIn lungaS bal. wovmeH janvaD nIn vIpoQ.
Quvvam vItIvqu'. DaH vagh mughato'Hommey vItoDnIS...
Doq