tlhIngan-Hol Archive: Sun Jan 08 05:03:01 2012
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' wa'vatlh cha'maH wa': <jeymey>
<html>
<body>
ghutar was trying to convince Hota'ro' to be proud of herself.<br><br>
<div align="center">121<br><br>
jeymey<br><br>
<br>
</div>
bochmoHwI' Daba' ghutar. 'om 'e' nID Hota'ro' ach 'Ilchu'mo' ghutar, Qap.
HemchoH Hota'ro'. Hagh HoD. ta'taH'a' ghutar? qawtaHvIS wanI' ngu'.
jatlh, ?ghutar, qanumDI'--?<br><br>
qagh ghutar, ?--choquvqu'moH HoD. reH vIbajtaHmeH jIvumqu'.? qaD
'oHbe'pu' 'e' Sovchu' ghutar. batlh vangmeH HoD tojta' ghutar.[85] *Dugh*
muvDI' ghutar, QIpmo' ghu'mey yajbe' 'e' Har vajar. 'ach 'ong DaH 'e'
tlhoj. jatlh ghutar, ?DaHjaj nuq 'oH Qu'maj'e'?? qImqu' je Hota'ro'. Dev
HoDchaj 'e' luloS. <br><br>
*Dugh* Dotlh ja'choH HoD. jonwI' pu'jIn 'Itlh DelchoHDI' qagh
ghutar.<br><br>
jatlh ?jonwI' choQ Danaw'ta''a', HoD? Hung yaHDaq jeylIj vIleghpu' 'ej
not 'el SuchwI' chaw'lIj. pa' DapawDI' Da'el net tuch.?<br><br>
jatlh vajar, ?chay' jeywIj Danaw'ta' SoH??<br><br>
jatlh ghutar, ?*Dugh* HungpIn jIHmo' Hung pat chu' vIleghDI' vInuD vIneH.
patrajmo' Hem 'avwI'pu' tlhIbHa'. muQIj. HoDwI' vIQannISmo' ghochmeylIj
vIlegh net tuchbe'.?<br><br>
jatlh vajar. ?SuchwI' chaw' vIloStaHvIS Hota'ro' qawbogh jonwI' Qup vIqIH
'ej jonwI' choQDaq muDor jonwI'vetlh 'IH.?<br><br>
jatlh Hota'ro', ?pa' bISaH 'e' yIpegh. pa' ghoS SuchwI' net tuch.? toH,
vIt'a'? toj'a'? ghuHmoHpu'mo' qImyal yep vajar. <br><br>
jatlh vajar, ?qay'be'. muparHa'law' jonwI'. Do'Ha' vumnISpu'.? Haghrup
Hota'ro' ghutar je 'e' tu' 'ach buSHa'. qanqu'be' vajar. parHa'laH be'pu'
'IH. jatlhqa', ?law' Dujmaj Seng. tlhIblaw'pu' ghIrel. 'a lutI' 'e'
luHech jonwI'pu'. luHIjmeH lulaghnISlI'.?<br><br>
jatlh Hota'ro' ?lulaghHa'qangchugh je jIbepbe'.?<br><br>
jatlh vajar, ?lulaghHa'qangchu' jonwI'pu' 'ach ...? yev vajar. DevnIS
HoD. jatlhqa', ?SIbI' SuQaynIS. *veS*Daq SuQaylaH pagh latlh Duj
bowIvlaH.?<br><br>
?qatlh maQaynIS?? jatlh ghutar. <br>
---<br>
SKI: The captain explain's the ship status to the crew.<br>
----<br>
<font face="Times New Roman, Times">[85] 'ay' SochmaH Hut: bIjQo'
</font>
<a href="http://nuqbopbom.blogspot.com/2007/05/sochmah-hut-bijqo.html";>
http://nuqbopbom.blogspot.com/2007/05/sochmah-hut-bijqo.html</a> <br>
</body>
</html>
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol