tlhIngan-Hol Archive: Wed Sep 04 11:41:19 2002
[Date Prev][Date Next][Thread Prev][Thread Next]
Re: HeghmeH QaQbogh jaj yIngu'
maja'chuq tulwI' jIH je:
>>jIQupqa' vIneH'a' jIH? loQ. loQ jIpay. loQ jIchoH vIneH. jIQupqa' vIneH
>>'ach qanwI' Sov vISov vIneH, jIQuptaHvIS. DuHHa'.
>
>chu'maH chu' ben jIH. wej puq jIHqa' vIneHbe'. qanwI' Sov vISov vIneH je.
cha'maH cha' ben bIboghba'pu'. pIj bIghItlhHa'. bIghItlhpu'DI' mu'meylIj
tIlaD 'ej tIlaDqa'. motlh qayajtaHvIS, rut qayajbe'chu'. yIyep! yIqar!
>grammar question:
>is it really possible to add /jIQuptaHvIS/ _after_ the ovs-structure
>(i.e., after the body)? i thought that a phrase like /jIQuptaHvIS/ must go
>into the header.
jangpu' voragh quv. roD <wot>taHvIS vIghItlh ghIq mu'tlhegh vIghItlh 'ach
vIleQta' 'e' vIwuq. qatlh? jISovbejbe'. qarlaw'.
>>>vIQub jIH:
>>>puqpu' maHtaHvIS tlhabqu' yabmaj. vaj maHvaD pup qo' 'ej Duch law'
>>>vIleghtaH. ghIq qo' chu''e' buy' poHmaj 'ej mo'vetlhmo' nI' poHmaj.
>>>DaH Duchmey tIn wIbuSnISmo' Duchmey pup wIbuSHa'. tInbogh Duchmey poH
>>>nI' law' machbogh Duchmey poH nI' puS. ghIq maHvaD ngaj poH.
>>>nuq DaQub SoH?
>>
>>pImbej puq yab nenwI' yab je 'ach puq yab tlhab law' nenwI' yab tlhab puS
>>'e' vIHarbe'. pIm neH. Hol ghojmeH nIv puq yab. buSmeH nIv nenwI' yab.
>>DachtaH yabwIj vIneHbe' 'ach Dochmey ram vIbuStaH vIneHbe' je.
>
>loQ vIQoch. tlhoy Duchmey ram buStaHmo' nenwI' Duchmey pup buSmeH laH
>Hutlh ghaH 'e' vIHar. pupHa'qu'bogh qo' pabmey buSmeH yab reynIS nenwI'.
>ghaytan Dochvam'e' ghaj puqpu', 'ej ghajDI' laHvam lIjlaHbe'. vISovbe'.
Dochmey pup buSmeH laH Hutlh nenwI' 'e' vIHarbe'bej. chaq qayajHa'taH.
DochmeylIj pup tIngu'!
motlh Dochmey ram wIbuStaH nenwI'. (bInenta', qar'a'?) Dochmey
potlh buSmeH laH wIghajbejtaH 'ach Do'Ha' laHvetlh wIlo'be'taH.