tlhIngan-Hol Archive: Mon Sep 02 13:59:56 2002

Back to archive top level

To this year's listing



[Date Prev][Date Next][Thread Prev][Thread Next]

Re: HeghmeH QaQbogh jaj yIngu'



jIHvaD jangqa' tulwI':
>>jIHvaD jang tulwI':
>>>>potlh'a'? ghobe'. Daj qoSmey 'ach ram. leng chuq rur. leng potlh law'
>>>>chuq potlh puS.
>>>
>>>HISla'. qen - wa'Ha' - Dochvam'e' vIQub. puq maHtaHvIS 'ej qoSmaj 
>>>qaStaHvIS, Quchqu' maH. qatlh? manenchoH 'e' vISovqu'. vaj maSey. 'ach 
>>>DaH motlh maSeybe', manenchoHtaHbe' 'e' wISovmo'. vaj manen'a'? vIHon. 
>>>nuq DaQub?
>>
>>maQuptaHvIS, manen wIneH. manenDI' maQupqa' wIneH. not mayonchu'.
>
>chaq puqpu' maHtaHvIS maHachmeH DuHmey wIHutlhmo' mayonbe'. reH vay' 
>wItuchlu'.

qar 'ach qatlh manenDI' maQupqa' wIneH? maHachHa' wIneH'a'?
DaH nutuch 'Iv?

jIQupqa' vIneH'a' jIH? loQ. loQ jIpay. loQ jIchoH vIneH. jIQupqa' vIneH
'ach qanwI' Sov vISov vIneH, jIQuptaHvIS. DuHHa'.

>>jIQup 'e' vIqaw. qaStaHvIS wa' DIS, nI'qu' poHvetlh. DaH nI'be' wa' DIS.
>>jIqanqu'choHtaHvIS chaq ngajchoH wa' DIS. ngerHom vIghaj. wa'maH ben
>>jIboghpu'chugh vaj yInwIj wa'maH vatlhvI' 'oH wa' DIS'e'. cha'maH ben
>>jIboghpu'chugh vaj yInwIj vagh vatlhvI' 'oH wa' DIS'e'. chaq ghur wa' DIS Do,
>>nuptaHvIS yIn vatlhvI'. nuq DaQub SoH?
>
>vIQub jIH:
>puqpu' maHtaHvIS tlhabqu' yabmaj. vaj maHvaD pup qo' 'ej Duch law' 
>vIleghtaH. ghIq qo' chu''e' buy' poHmaj 'ej mo'vetlhmo' nI' poHmaj.
>DaH Duchmey tIn wIbuSnISmo' Duchmey pup wIbuSHa'. tInbogh Duchmey poH nI' 
>law' machbogh Duchmey poH nI' puS. ghIq maHvaD ngaj poH.
>nuq DaQub SoH?

pImbej puq yab nenwI' yab je 'ach puq yab tlhab law' nenwI' yab tlhab puS
'e' vIHarbe'. pIm neH. Hol ghojmeH nIv puq yab. buSmeH nIv nenwI' yab.
DachtaH yabwIj vIneHbe' 'ach Dochmey ram vIbuStaH vIneHbe' je.



Back to archive top level