Re: Headers. Yet again.

[Andrew Strader <strader@decode.is>]

qon charghwI':
>Qatlhqu' tlhIngan mu'tlheghlIj rut DaneHlaw'. DayajlaHbe'chugh vay', 
>bInIvlaw'mo' bIbellaw'. mu'tlheghmey nap Dalo'laH 'ach mutlheghmey Qatlh 
DamaS. 
>rut poH nI' poQmo' qayajmeH Qu', QInlIj vIHotlh neH. ghIq jImev 'ej not 
>QInvetlh vIlaDchu'.

>mu'tlheghmey Qatlhqu' DaqonlaHbej. nIyajlaHbejmeH latlhpu', QIn DaqonlaH'a'?

jIbel'a'? chay' vuDvam DaHarchoHpu'? choghoqtaH'a'? qatlh mu'tlhegh Qatlh 
vImaS, vIyajbe'lu'chugh? SaQumlaHbe' 'e' vImaSlaw' 'e' DaQub'a'? tlhoy 
chopumtaH. QInwIj DalaDmeH nI'nISchugh poH pagh ngajnISchugh jISaHbe'. 
DayajlaH 'e' vISaH neH. laHlIj DaDub reH 'e' vItungHa', 'a chobuSHa'law'. 
qaStaHvIS wa'maH DIS mu'tlheghmey nap neH qonlaH vay', 'a not ghaH qaD 
ghu'vetlh. jIqaD'eghmo' jItlhIjQo'. vaj impasseDaq maHba'taH.

qon 'ISqu':
>napbe'bej Andrew Strader ghIthmey. HaDwI' law' qaDlaw'mo' chaq rut 'op nuv 
>tung. qechmey Daj Qummo' 'ej mu'tlhleghmey Sar ngajmo' motlh ghIthmeyvam 
>vItIvqu'. tlhIngan Hol yajmeH laHwIj DajDI' ghIth jIjeghQo', vIlaDqa'. 
>laHwIj tobchugh ghItlh jIbelchoH {{:-). QaQbej cha' wanI'. laHwIj luHoSmoH 
>ghItlhmey nap. laHwIj luDubmoH ghItlhmey Qatlh.

qatlho', 'ISqu'. tlhIngan Hol ghItlhmey DIqonbogh jIH latlh je Dayajchu'pu' 
'e' Datob. bIpo'. lughchu'be' Hoch mu'tlhegh vIqonbogh, 'a jIQagh net 
'aghchugh vImawbe'lu'. jIghojtaH neH. rut jImuj 'e' vIHajbe'. jIHvaD 
ghojtaHghach potlh law' mujpu'ghach potlh puS.

-- 
Andrew Strader