tlhIngan-Hol Archive: Thu Feb 15 18:35:50 2001
[Date Prev][Date Next][Thread Prev][Thread Next]
HuD vItoS
- From: "d'Armond Speers" <d'[email protected]>
- Subject: HuD vItoS
- Date: Thu, 15 Feb 2001 19:35:02 -0700
qen HuD jen vItoS. *Colorado* vIDab, 'ej HuDDaq nagh law' tu'lu'. loSHu'
*Bierstadt* HuD wItoS jIH, jupwI'pu' puS je. wa'maH wa' toSwI' tu'lu'.
wa'SaD cha'maH loS 'uj 'ab HuDvam. wItoSpa' peDmo', wItoSmeH, waq le'
wItuQnIS.
Sochlogh Qoylu'pu'DI' wIghom. Hopqu' HuD; wISIchmeH Dujmaj wIyong.
qaStaHvIS cha' rep machIj. tagha' wIpaw! toSmeH HIp wItuQmoH. bIr, 'ach
HuD yor wISIchDI', bIrqu'choH!
wa'maH wa'logh Qoylu'pu'DI' wItoSchoH. mataghDI' ngeDqu'. 'ach HuD yor
vIleghlaH; Hopqu'. qaStaHvIS loS rep wItoS. jIDoy'qu'choH, 'ach HuD yor
vISIch vIneHqu'. jItlhuHmeH Qatlhqu'choH; wItoStaHvIS, yInSIp yap HutlhchoH
muD. pujbe' 'uSDu'wIj, 'ach jItlhuHlaHbe'mo' pIj jIleSnIS. jImaghqu'!
wa'maH javlogh Qoylu'pu'DI' HuD yor vIpaw! toSwI' Qav jIH. HuD yorvo'
HuDmey Hopqu' vIleghlaH. tlhoS jIjegh, 'ach HuD vIchargh!
SalmeH Qu' Qatlh law' ghIrmeH Qu' Qatlh puS! maSaltaHvIS qaS loS rep;
maghIrtaHvIS qaS cha' rep neH. DujwIj vIpawDI' jIDej. jIDoy'chu'!
DaH Doy'taH SomrawwIj. loQ 'oy', 'ach vISIQ. jIQapmo' jIQuchqu', 'ach
ghaytanHa' HuDvetlh vItoSqangqa'!
-- Holtej 'utlh
tlhIngan Hol mailing list FAQ:
http://www.bigfoot.com/~dspeers/klingon/faq.htm
CONFIDENTIALITY NOTICE
This electronic mail transmission and any accompanying documents contain
information belonging to the sender
("Information") that may be confidential and legally privileged. If you are
not the intended recipient, any disclosure, copying,
distribution or action taken in reliance on the Information is strictly
prohibited. If you have received the Information in error,
please contact the sender by reply email and destroy all copies of the
original email.
Thank you.