tlhIngan-Hol Archive: Sun Feb 18 22:17:58 2001
[Date Prev][Date Next][Thread Prev][Thread Next]
RE: HuD vItoS
> -----Original Message-----
> From: d'Armond Speers [mailto:d'[email protected]]
> Sent: Thursday, February 15, 2001 9:35 PM
> To: '[email protected]'
> Subject: HuD vItoS
>
>
>
> qen HuD jen vItoS.
majQa'!
> *Colorado* vIDab, 'ej HuDDaq nagh law' tu'lu'. loSHu'
> *Bierstadt* HuD wItoS jIH, jupwI'pu' puS je. wa'maH wa' toSwI' tu'lu'.
> wa'SaD cha'maH loS 'uj 'ab HuDvam. wItoSpa' peDmo', wItoSmeH, waq le'
> wItuQnIS.
peDpu''a'? Qu'vatlh! bIrchoH tlhInganpu' 'e' Haj tlhInganpu' net Sov.
bIrvIpbe' 'ach ghu' Haj neH. jIbIr 'e' vImuSbej!
ghu'lIjvaD jIQubmo' jIbIrchoH jay'! QI'yaH! wep vItuQ. DotlhwIj vIDub.
> Sochlogh Qoylu'pu'DI' wIghom. Hopqu' HuD; wISIchmeH Dujmaj wIyong.
> qaStaHvIS cha' rep machIj. tagha' wIpaw! toSmeH HIp wItuQmoH. bIr, 'ach
> HuD yor wISIchDI', bIrqu'choH!
<<wIpaw>>?
> wa'maH wa'logh Qoylu'pu'DI' wItoSchoH. mataghDI' ngeDqu'. 'ach HuD yor
> vIleghlaH; Hopqu'. qaStaHvIS loS rep wItoS. jIDoy'qu'choH, 'ach HuD yor
> vISIch vIneHqu'. jItlhuHmeH Qatlhqu'choH; wItoStaHvIS, yInSIp
> yap HutlhchoH
> muD. pujbe' 'uSDu'wIj, 'ach jItlhuHlaHbe'mo' pIj jIleSnIS. jImaghqu'!
bImoghqu'ba'. not bImagh. qaSov. reH bImatlhtaH.
> wa'maH javlogh Qoylu'pu'DI' HuD yor vIpaw! toSwI' Qav jIH. HuD yorvo'
> HuDmey Hopqu' vIleghlaH. tlhoS jIjegh, 'ach HuD vIchargh!
majQa'! bIHemba'. bIHem 'e' Dabajba'.
> SalmeH Qu' Qatlh law' ghIrmeH Qu' Qatlh puS! maSaltaHvIS qaS loS rep;
> maghIrtaHvIS qaS cha' rep neH. DujwIj vIpawDI' jIDej. jIDoy'chu'!
bIDoy' 'e' Dabajba' je.
> DaH Doy'taH SomrawwIj. loQ 'oy', 'ach vISIQ. jIQapmo' jIQuchqu', 'ach
> ghaytanHa' HuDvetlh vItoSqangqa'!
jIyaj. meq DaHutlh. qatlh cha'logh wa' jagh DajeynIS?
> -- Holtej 'utlh
SarrIS