tlhIngan-Hol Archive: Tue Jul 16 16:13:07 1996
[Date Prev][Date Next][Thread Prev][Thread Next]
Dataghta', ghunchu'wI'
- From: "Gordon Floe" <[email protected]>
- Subject: Dataghta', ghunchu'wI'
- Date: Tue, 16 Jul 1996 16:12:06 PST
- Organization: NLK Consultants, Inc.
- Priority: normal
qep'a'Daq tugh jIlengmo' jISeyqu'. not tlhIngan Hol jalthwI'na'
vIleghta'. cha'logh ghogh HablI' vIlo'taHvIS tlhIngan Hol vIjatlh
neH.
DaH jIvumnIS. Qu' law' vIta'nIS jItlheDpa'. 'ach jIvumlaHbe'.
<ParaguayDaq qaStaHvIS DIS, pum bIQ 'ar?> tlhob ghot wa'DIch.
<Dochvam 'ogh 'Iv 'e' Delbogh nav yISam> ra' ghot cha'DIch. <De'wI'
vIngIp vIneH. chay' ratlh pagh De'wI'?> vIng ghot wejDIch. <*WWW*
vIlo'meH HIghojmoH> ra' ghot loSDIch. <qatlh *Internet*qoq naw' neH
malja'maj jay'> tlhob pInwI'. jIvIt: ngoDmeyvam Sov neHbej chaH.
wej <jISaHbe'qu'!> vIyachbe'. 'ach ParaguayDaq SISchugh pagh
SISbe'chugh vISaHbe'bej. jIHaw' vIneH. Paraguay vIghoSbe' jay'.
Philidelphia vIghoS. naDev wa'leS jISaHbe'bej.
baQa'! chuSqa' ghogh HablI'wIj. DaH jIvum 'e' vInIDnISqa'.
----
Summary for the Klingon-Impaired: I am going to the qep'a' and I do
not care about annual rainfall in Paraguay.
Qov.