tlhIngan-Hol Archive: Wed Jan 03 08:38:48 1996
[Date Prev][Date Next][Thread Prev][Thread Next]
jIqhIQta'
- From: Alan Anderson <[email protected]>
- Subject: jIqhIQta'
- Date: Wed, 3 Jan 96 10:30:05 EST
wa'maH wa' Hu' maghIQmeH juHmajvo' matlheD qorDu'wI' jIH je.
qaStaHvIS loSmaH tup neH maleng. SIbI' be'nal SoS vav je wISuch.
maSop 'ej malop. nobmey mamuch'egh (*). "Egg nog" wItlhutlh.
mareHmeH nobmey wIlo'. qaS poH nI' maQongpa'
mavemDI' be'nal qorDu' latlh wIghoS. peDpu'mo' QIt maleng.
qaSDI' wej rep "Louisville"Daq mapaw 'ej be'nal vavnI' wISuch.
tugh be'nal SoS loDnI' juH wIghoSchoH 'ej pa' maSopqa' 'ej malopqa'.
pa' mareHtaHvIS 'ej maloptaHvIS qaS poH nI'qu'.
wa'vatlh wejmaH rep matlheD. "Florida" wIghoS!
Soj wItlhap vaj SopmeH mamevnISbe'. nIn wISuqmeH neH mayevnIS.
puch wIlo'meH mayevnISba' je 'ach pIj nIn Daq rap puch Daq.
qaS wa'maH vagh rep malengtaHvIS. po moj ram. DungluQ moj po.
wa'maH javvatlh wejmaH rep vavwI' loDnI' juHDaq mapaw.
vavwI' loDnI' be'nalDaj, puqloDchaj Qup je DItu'.
vavwI' loDnI' puqbe', jupDaj, puqbe'Daj je DItu' je.
SoSwI' vavwI' je DItu' je.
ghom wItu'bogh tIn law' ghom wIpIHbogh tIn puS.
SIbI' maSop. maSoppu'DI' maleS be'nalwI' jIH je.
reH puqloDwI' puqloDchaj je. qaS jajvetlh loQ malop.
tugh wanI' latlh vIDel.
--------------------------------------------
Alan Anderson Delco Electronics
{ghunchu'wI'} Remanufacturing Services
Test Equipment System Software Group