tlhIngan-Hol Archive: Mon Apr 25 12:43:53 1994
[Date Prev][Date Next][Thread Prev][Thread Next]
Ahem....
- From: [email protected] (Nick NICHOLAS)
- Subject: Ahem....
- Date: Tue, 26 Apr 94 14:41:23 EST
cha' ghu' vIja'.
charghwI'vaD ghu' wa'DIch vIja'. "StarTrek" DawI' lut [play] vagh tlhIngan Hol
SoQmey Daqonmo', Qapla'! wa' qechHommo' neH jIQochnIS. lut vagh vIqImtaHvIS,
Kirk Duj pongmeH "'enterpray'" mu' lo'pu' tlha 'e' vIQoy. "'enterprI'"
vIQoybe'. tlhIngan Hol jatpab [phonology] pabnISlu'mo', Dujvetlh vIpongmeH
"'enterpIrayS" mu' vIlo'pu', "tlhIngan _QISmaS_ wa'maHcha' jaj" vIqontaHvIS.
ghu' cha'DIch vIqeltaHvIS, wa' mu'tlhegh vIjatlh: Hagh qoHqoq neH, HeghtaHvIS
vajqoq. tlhIngan mu'ghom 'ay'mo', ja'pu'bogh tlhI'Qal, jIQaghlaw'pu' 'ej
lughlaw' Qanqor, "apposition" tobmeH mu'tlheghvtlh lo'taHvIS. ghu'vam
toblaw' tlhIngan mu'ghom 'ay'vetlh: "postpositional phrase" 'oH je "naDev"'e',
'ach 'oHvaD 'o'moHaq Da Degh pagh [null sign]. vaj, mu'tlheghpab [syntax]
qellu'taHvIS je, nIb "naDev" pab mut [grammatical category], "juHlIjDaq" pab
mut je. vaj naDev qaS "apposition". qatlh 'o'moHaq ghajbe' DIp 'oHbogh
"DaHjaj"'e', 'e' QIjlu'be', 'ach "naDev" pab mut tobHa' ghu'vam.
Quchjaj Qanqor, 'a ghu'vam qawjaj je: Hol HaDqangchugh ghaH, vaj HolQeD
HaDnIS. mu'tlheghpab qechmey ghoHchugh, po'be'wI' [layman] mu'ghom neH
lo'taHvIS, 'ej HolQeD Sovbe'taHvIS, vaj HolQeD ta' chavlaHbe' ghaH. Hol
qel HolQeD, 'ej Hol che' 'e' nID pabpo', vaj Holtej DanIS pabpo'. jIvItnIS:
wanI'vammo', pagh latlhmo' je pIj QanqorvaD jIvIDlaw'. QeDwIj 'oH, vaj
QeDwIj vuvnIS 'ej HaDnIS ghaH 'e' vIHar. HoltejwI'pu'vaD DajtaHvIS Holmaj,
reHwI'pu' [amateur] Qulpu'ghach lajnISbe'lu'. vaj QeDwIj 'oHbogh je
QeDDaj (HolvaD vummo' ghaH) HaDchoHchugh Qanqor, vaj Qu'Daj QorghtaHvIS,
po'qu'choH 'ej Qapqu'choH ghaH. Qatlhbe' qar'a' ghu'vetlh. wa' cha' joq
paq neH laDnIS.
pIj QonoSvam ja'chuqghach vIjeSlaHbe', DaH QultaHghachwIjmo' vIvuvqu'nISmo'.
'ach HotlhwI' vISamDI' 'ej jIHvaD leSpoH tu'choHlu'DI', pIqaD ghItlhmeH,
ghItlhnaQHom [pen] lo'lu'taHvIS, mIw'e' vI'oghpu'bogh tugh vIlI'. pIqaD
vIlaDlaH, 'ej wanI'vammo' jIyay'bej. "Old English" tlhIngan pIqaD vI'oghpu'
je; mubelmoH poH, ghItlh 'IH ghItlhnaQHom vIlo'taHvIS. chaq vIlI'DI',
"font" 'oghqang vay'? "font" Sar ngevlaHchugh tlhIngan Hol loH, vaj ghaytan
Huchmo' cheplaH.
pItlh; DaHjaj Qu' latlh law' vIta'nIS. Qapla' boghajjaj, laDwI'.
nIchyon jIH.
/|||||||||||||||||||||||||||||||||||||||||||||||||||||||||||||||||||||||\
| "One must first know that traditionally a Japanese bus has carried not |
| only a driver but one or more young girls who stand in the aisles and |
| sell tickets, announce stops, and in general console the passengers for |
| the inadequacies and discomforts of this transient world." \
| --- Roy Andrew Miller, _The Japanese Language_, p. 251 |
||||||||||||||||||||||||||||||||||||||||||||||||||||||||||||||||||||||||||||
\||||[email protected]||||||Transient Passenger|||||||Nick Nicholas||||
==\||||||||||||||||||||||||||||||||||||||||||||||||||||||||||||||||||||||||/
()() ()() ()()