tlhIngan-Hol Archive: Sat Feb 11 13:05:14 2012
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' wa'vatlh vaghmaH wa': <nuch 'ollu'pu'>
After an interminable 'relationship talk' Mahoun implied he would
give Essim another chance.
151
nuch 'ollu'pu'
'eSSIm Suchqa'lI' Qel. 'utbe' Haq 'e' wuq 'ach 'eSSIm tlhonDaq nejwI'
DuQta' 'ej latlh Hergh nob. 'oy' 'ach bepbe'ba' 'eSSIm. 'eSSIm ta
lIStaHvIS Qel, vavDaj pong, tuqDaj je ghov. ghelDI' Qel, jatlh
'eSSIm, "yurwI' ghaH maghwI'vetlh'e'." pIj lutvetlh ngeb jatlhpu'mo',
'eSSIm jatDajvaD ngeD. ghIq jatlh Qel, "ngugh *lotlhwI'*Daq jItoy'.
tarven[231] vISovpu'."
tarven. vavoy. pongvetlh ja' 'e' ngIlbe' 'eSSIm. jatlh, "HoH'eghta'
maghwI' net ja'." maghwI' muSbogh rewbe''e' Dachu', 'ach vav jup
ghaHpu' Qel'e' 'e' tul 'eSSIm. chaq Qu' le' ta'meH tarven boQpu' Qel.
jatlh Qel, "HIja'. mobtaHvIS, rav'eq yIbDaq tlhegh megh'an baghta'
'ej mongDajDaq 'er'In baghta'. voQ'egh. HuStaHvIS tlhegh vIpe'ta' jIH
'ej lom vInuDta'. HoH'eghbejta'. povam HoH'eghmeH Hergh neHpu' je."
SeH'egh 'e' nID 'eSSIm. ngoDmeyHeyvetlh 'ol neHqu' 'ach pay' Hoch
'olpu'mo' Qel, DaH tullaHbe'taH 'eSSIm. jatlhqa' Qel, "SorghwI'
ghaHchoHDI' mumerqu'. maghwI' ghaHpa' batlh toy'law'. ngerwIj
vIjatlh: qorDu'Daj buQ vay'. puqbe'Daj mach QanmeH Heghqangbej."
letHa' Qel ghogh. yur ghaHbe' tarven'e' 'e' Sovlaw' Qel. 'ach 'eSSIm pumbe'.
mejmeH lojmIt poSmoHDI' Qel, SaH Mahoun. vay' chagh Mahoun 'ej
DoHqu'. "yIHaw'Qo'! QelwI' ghaH!" jatlh 'eSSIm.
QumwI' 'uchtaH Mahoun ghop 'ach ratlhtaH. lojmItDaq bejchuq Mahoun
Qel je. jatlhtaH Mahoun, "qaSuvbe'. Suy jIH. tlhIngan DuyvaD Sutmey
vIngev. SaSujba'lI'. jIcheghlaH." DoHtaH Mahoun.
jatlh Qel, "vIt Duy. Qel jIH. Qugh 'oH pongwIj'e'. yelwIyyItngan SoH,
qar'a'?" nov buQbe'meH Qel quSDaq ba'choH.
jotchoHpu'DI' Mahoun Doch chaghpu'bogh woH 'ej 'el. lIH'egh 'ej
mutDaj 'ol. DeSDu'Daj 'angmo' yIvbeHDaj DIr ghegh leghlaHba' Qugh.
nuD 'e' ghIbDI' Mahoun, nom 'eSSImvaD mon Mahoun. DeSDu' nuDta'DI'
Qugh 'ej Hotlhta'DI' jatlh "SIDwI' SoHpu', maHun. tlhIngan bIghHa'Daq
DeSDu'lIj vIQorghta'."
---
SKI: Mahoun and Essim both have prior connections to the doctor
----
[231] Personal name, being introduced here.
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol