tlhIngan-Hol Archive: Sun Feb 12 10:24:46 2012
[Date Prev][Date Next][Thread Prev][Thread Next]
[Tlhingan-hol] nuq bop bom: 'ay' wa'vatlh vaghmaH cha': <maghwI' puqbe'>
The battleship doctor checking on Essim recognized Mahoun as his
former patient in the brig.
152
jatlh Mahoun, "jIchun! Dujmaj lujon neH. pagh vISov! Duj ravmey
vISay'moH neH!" munrup 'eSSIm 'ach lImbe'choH maHun. chIch tlhuH 'ej
ba'choH. Hem 'eSSIm.
jatlh Qugh, "Do'Ha' bIghHa' rav DaSay'moHbe'ta'. lammo', DIrlIj
ngejlu'. DaH bIpIvtaH'a'? nInuQ'a' DeSDu'? 'oy''a'? ngejlu'qa''a'?
tlhIngan DIr ngeb 'oH. lajHa' porghlIj 'e' vIpIH. Qo'noS DapawDI'
DuQorgh'a' latlh Qel?"
jatlh Mahoun, "ghobe'. Qo'noSDaq SaqDI' muHIjbogh Duj, SIbI'
vItlhabmoHlu'. yaSpu'wI' DaQorgh'a' je? not vIleghqa'."
may'Duj Qaw'bogh Qugh'e' Del Qel[133]. QuS naQ yajbe'law' QI' 'ach
cha' 'avwI'pu' chotta' qama' 'ej boQba'ta' vay'. maghwI'pu' nejtaHvIS
beq, Hegh nuv puS. Sub moj wa' yu'wI' Qup. wa' maghwI' Sam 'ej DISmeH
joy'lI'. jorbeHbogh peng jornebmey So'ta' SorghwI'. latlh QuSwI' pong
luHta' joy'wI' 'ach QuSwI'vetlh joy'lu'pa' HoH'egh. ngoqmey
'angbe'meH vangta'. 'op jorbeHbe'moH beq 'ach Hoch Qobbe'moHlaHpa'
Duj Qaw'. Heghpu' wa' SanID nuv. Duj Qaw'lu'pa' yaS puS neH toD
yu'wI'vetlh Qup. jatlh Qugh, "yu'wI' po'qu' ghaH 'ej val. luwelmo'
yaSpu' toDta'bogh, chep 'ej luQanqang nuv law'. wIH 'ej juppu'Daj
Qanqang. DaH Sa' ghaH. mutoDta' 'ej vItoy'taH. tugh tlhIngan yejquv
muv net pIH." lut Sovchu' 'eSSIm. 'ay'mey noppu' Qel 'ach mujbe'.
mIS Mahoun. jatlh, "mutoDta''a' yu'wI'?"
jatlh Qel, "Dujon may'Duj *lotlhwI'* 'ach jorpa' may'Duj, ngaq Duj
*naQjej yoH*Daq DaQaylu'. *lotlhwI'*Daq Hegh Hoch qama'."
'IQlaw' Mahoun. jatlh, "bIQ vItlhutlhnIS."[134] Hu' 'ej pa' mej. chaq
Heghpu'mo' Hoch yaSpu'Daj SaQnIS.
Qubqu'law' Qel. vay' Sov. ghaH retlhDaq ba'choH 'eSSIm 'ej peghmey
vIttlhegh jatlh. jatlh Qel, "vavlI' ghaHpu', qar'a'?"
"HIja'," jatlh 'eSSIm. tlhup. tuH.[135]
jatlh Qel, "Heghpa', potlh munobta'."
'eSSIm nachDaq DIng qechmey. nuq nobta'? ghajtaH'a' Qugh? loSlI' 'eSSIm.
---
SKI: Mahoun learns that all the other Yelwitian prisoners from his
ship died when the battleship exploded. Essim waits to hear something else.
---
[133] Oh great. The one time I use a stock character name and I
immediately confuse myself.
[134] Thanks http://tvtropes.org/pmwiki/pmwiki.php/Main/INeedToGoIronMyDog .
[135] Please don't be insulted when I tell you things over and over
again. It's partly because I don't want to burden you with having to
remember all the details and partly because I never got tired of
stories like Chicken Little or The Three Little Pigs where the same
information or the same circumstances are repeated. The familiarity
is supposed to be reassuring and symmetrical, not boring.
_______________________________________________
Tlhingan-hol mailing list
[email protected]
http://stodi.digitalkingdom.org/mailman/listinfo/tlhingan-hol