tlhIngan-Hol Archive: Sat Feb 05 18:14:31 2011

Back to archive top level

To this year's listing

• Index by Date
• Index by Thread
• Index by Author

qoqqoqmey - jaj cha'maH Soch

ghunchu'wI' 'utlh ([email protected])

• From: "ghunchu'wI' 'utlh" <[email protected]>
• Subject: qoqqoqmey - jaj cha'maH Soch
• Date: Sat, 5 Feb 2011 21:12:08 -0500

DaHjaj mavumqa'.

qoq SoSbor jomlu'.
nguSDI' lujomlu'.
rutlhmey lujomlu'.
mIrmey lujomlu'.

qoq chebmey wIjuv.
DeS HutlhtaH.
DeS nguSDI'mey je Hutlh.
'ach 'ugh qoq rInbe'.
wa'maH Soch cheb ngI'.
cha'maH loS cheb 'oH 'aqroS'e'.
ratlh Soch cheb.
cha' cheb ngI' DeS net loy.
wa' cheb ngI' ghop.
wej cheb ngI' DeS nguSDI' 'ay'.
'ach 'ul qengwI' qelbe' loywI'.
tlhoy 'ugh qoqmaj 'e' vIQub.
ghaytan wItISnISmoH.

SeHwI' pat wItob.
Qum.
wIghunlaH.
Qapqu'.

ghoSmoHmeH pat wIwaH.
DIng nguSDI'.
vang HoS choHwI'.
vIH mIr.
DIng rutlhmey.
Qapqu'.

muD yuvwI' pat wIwaH.
vang yuvwI'.
juv noch.
yap 'uy'bogh muD 'e' noHDI' noch, vangbe' yuvwI'.
DachtaHmo' muD vI'wI' Qapchu'be' pat, 'ach Qap.

naQbe'mo' muD yuvwI' pat, nguSDI' HoS choHwI' wIlISlaHbe'.
yavDaq qoq wIlanchugh 'ej wIvIHmoHchugh, ghaytan QapHa' HoS choHwI'.

wa'leS rIn muD yuvwI' pat 'e' vItul.
ngugh vIHlaHjaj qoq.

-- ghunchu'wI'

• Prev by Date: qepHom: 10th anniversary
• Next by Date: country names (was Re: tato'eba' ...)
• Previous by thread: qepHom: 10th anniversary
• Next by thread: Re: Translating TEDTalks
• Index(es):
  • Date
  • Thread
  • Author

Back to archive top level