tlhIngan-Hol Archive: Wed Feb 02 15:43:39 2011

Back to archive top level

To this year's listing

• Index by Date
• Index by Thread
• Index by Author

targh wambogh tlhIngan

Robyn Stewart ([email protected])

• From: Robyn Stewart <[email protected]>
• Subject: targh wambogh tlhIngan
• Date: Wed, 02 Feb 2011 15:41:06 -0800

jIcheghqa''a' pagh jIcheghtaH'a'. jISovbe'. naDev rut jIjeS 'a pIj jIjeSbe'.

qepHommaj vebvaD, lut mach vIqonta'. Qetlhqu' 'ej 
ghaytan Qagh law' lutu'lu'. tuqarmoHqang'a'?

I'm especially susceptible to substituting one 
sound for another, especially vowels. Apparently 
whatever medium is used to record Klingon words 
in my brain gets blurry sometimes and I misread.

qoreQ is of course a Klingon name, given in 
section 5 of TKD.  There's no other weird 
vocabulary, and probably not enough post TKD 1st 
ed. vocabulary. Last in/first out in my brain. 
Corrections/improvements welcome. raghpu'bogh yab 'ay'mey vISay'nISmoH.


targh wa'DIch


'ay' wa' ? targh wam qoreQ


vem qoreQ. SoQtaHvIS mInDu'Daj, Qot 'ej qaStaHvIS 
lup puS leStaH. pay' qaw. <i>DaHjaj targh vIwam</i>.


mInDu'Daj poSmoH. ghangwI' wovchoHmoH jajlo' 'ej 
pa' reD wovmoH Qorwagh veghbogh tIHmey. pa' 
reDDaq HuStaH Daqtagh chu'. targh wammeH taj 'oH. 
<i>DaHjaj tajvetlh vIlo'taHvIS targh vIHoH</i>.


qamchoH qoreQ 'ej nom tuQmoH. jIbDaj tIq ghermeH 
choljaH lo' 'ej tagha' Daqtagh jotlh. vaHDaq 
lanta'DI' 'ret'aq HottaH ghop. let 'ej bIr. Hot 
'e' mev 'ej QIt cha'logh tlhuHqu'. pa'vo' ghoS 'ej Hur bIrDaq yIt.


vengHom juH juStaHvIS, vagh' loD legh. vavDaj, 
tennuS, cha' 'IrneH je ghov 'a qoreQ lubejbe' 
chaH. taj jejmoHlaw'taH vav. jaw wa' 'IrneH 
tennuS je. cholDI' qoreQ mu'meychaj QoylaH. 
yobmeH poH luqel. tlhe' loD vaghDIch 'ej ghovchoH 
qoreQ. vavDaj maqoch ghaH. targhDaj wa'DIch 
HoHmeH Qoreq vengHom mej 'ej SaH vagh loD potlh. 
'a bong qaSba'. nIteb targh wa'DIch wam SuvwI'. 
Qu'mey motlh neH ta'taH latlh rewbe'pu'. loQ mon 
qoreQ. chIch qoreQ luleghbe' loDpu' 'a yotlhvo' 
lubejqu' cha' tey'pu'. puqpu' ghaH neH. chaH 
rI'be' 'ach juSpu'DI' mon. yotlhmey juS 'ej ngem 'el.


laHmey 'ut ghajbej qoreQ. ngem Ha'DIbaHmey ghoch 
qoreQ qupqu'taHvIS. targh HoHlu'pu'bogh DuQta', 
ghojmeH taj lo'taHvIS. tIq SamlaH. 'ej Daqtagh 
QaQ law' ghojmeH taj QaQ puS. Hoch Qu' 'ay' 
ta'laHbej vaj Qu' ta'laH. qam 'ej largh. wov chal 
'a HochHom chal botmo' Sormey por, Hurgh ngem. 
lIS'eghpu'DI' Qoreq mInDu', targh nejchoH. SorHom 
HeHmey bejqu' 'ej tugh DupvetlhvaD pop Hev. lam 
tun Sujlaw'pu' targh namwechDu'. targhHey ghochchoH qoreQ.


He ghoSpu' targh. Hevetlh ghoS qoreQ. Salpu' 
targh. Sal qoreQ. poSDaq tlhe'pu' targh. poSDaq 
tlhe' qoreQ. nIHDaq tlhe'pu' targh. nIHDaq tlhe' 
qoreQ. HuDHom ghIrpu' targh. HuDHomvetlh ghIr 
qoreQ. tI SopchoHpu' targh. tI Sopbe' qoreQ. 
qImqu'. yIttaH. tugh targh Qoy. Daqtagh lel. chuS 
targh, yIvtaHvIS 'ej cholpa' qoreQ Qoybe'. targh 
ghoStaHvIS, pay' qoreQ tu'. Ha'DIbaH nuj poSvo' 
pum tI. DoH targh, nach nechmoHtaHvIS. Ho'Du' jej 
yanlaw'. Sup targh 'ej qoreQ ghoS. qamqu' QoreQ. 
taj 'uchqu' 'ej targh 'et 'uSDu' joj buS. Sup 
targh. roDaq taj DuQmoH qoreQ. DeSDajDaq SoQchoH 
targh nuj 'ach tlhay SIjlaHpa' targh HoDu' leS 
targh 'ej yavDaq pum. chuS tlhuHtaHvIS. nujvo' 
chagh tlhepQe' 'Iw je. vIH 'e' mev. Hegh.


ngemvaD jatlh qoreQ, <i>DaHjaj targh vIHoHta'.</i>

• Follow-Ups:
  • Re: targh wambogh tlhIngan
    • From: "ghunchu'wI' 'utlh" <[email protected]>
  • Re: targh wambogh tlhIngan
    • From: "ghunchu'wI' 'utlh" <[email protected]>
  • Re: targh wambogh tlhIngan
    • From: "ghunchu'wI' 'utlh" <[email protected]>

• Prev by Date: Re: pejatlh! ghoghwIj'e' neH vIQoy 'e' vIpar.
• Next by Date: Re: targh wambogh tlhIngan
• Previous by thread: RE: Translation Exercises
• Next by thread: Re: targh wambogh tlhIngan
• Index(es):
  • Date
  • Thread
  • Author

Back to archive top level