tlhIngan-Hol Archive: Thu Oct 25 10:00:57 2007

Back to archive top level

To this year's listing



[Date Prev][Date Next][Thread Prev][Thread Next]

Hoq QonoS: Wednesday

Alan Anderson ([email protected]) [KLI Member] [Hol po'wI']



Hoq QonoS: Wednesday

wa'maHlogh Qoylu'DI' QongDaqDaq jIQottaH.  chan reDDaq 'oHmo' Qorwagh  
jajlo' 'ang net pIH, 'ach DaHjaj Hurgh pa'.  Hur waQ Hurricane yoD.   
Hu'ta' be'nal 'ej nIQ Sopta'.

jIHu'.  jIghungbe'mo' nIQ vISopbe'.  yoDmey wIpoSmoH.  bIQ'a' HeHDaq  
'oH juH qach.  patlh javDaq 'oH juH.  vaj tIq chuq wIleghlaHbogh.   
pIj yItwI'pu' DIlegh.  rut bIQDuj wIlegh.

Qe'Daq megh Sop qach be'pu'.  tlhej be'nalwI'.  cheghDI' Soj chuv  
qeng: 'oQqar naQHommey, Philly Ha'DIbaH je.  'op vISop 'e' chaw' ghaH.

qach SumDaq vumtaH beq.  Hoch Qorwaghmey machDaq Hurricane yoDmey  
lujomlI'.  chuS luchDaj.  nunuQ.

mabuD.  potlh wIta'be'.  TV bej be'nalwI', jIlaDtaHvIS.  ram bIQ HeH  
wIjaH 'ej ram chal wItIv.  nurmo Hur Hat Qorwaghmey DIpoSmoH.   
maQongchoHtaHvIS bIQ'a' wIQoy.  'ej ramjep SISqu' 'e' wIQoy.

-- ghunchu'wI'





Back to archive top level