tlhIngan-Hol Archive: Wed Mar 14 14:39:47 2007
[Date Prev][Date Next][Thread Prev][Thread Next]
Re: Better a live Sparrow...
Voragh:
> > "Better a live Sparrow than a stuffed Eagle."
> > -- Edward FitzGerald
> >
> > yInbogh Qa'Hom qaq law' Qa' lughoDlu'bogh qaq puS.
> >
> >However un-Klingon the sentiment itself, this actually works a bit better
> >in Klingon with the the vicious {Qa'} vs. the insignificant {Qa'Hom}.
Doq:
>Un-Klingon sentiment?
>tlhIngan jIH. jaghwI' vIHIvmeH Heghpu'bogh Qa' vIrurlaH pagh
>yIntaHbogh Qa'Hom vIrurlaH. jIwIvnISchugh, Qa'Hom qaq law' Qa' qaq puS.
Dujmey law' DachIjpu'. bIQubtaHvIS Sa' Darur; mang le'be'
Darurbe'. vIttlhegh noy tIqaw:
bISuvtaHvIS bIHeghjaj! (PK)
bItuHpa' bIHeghjaj. (PK)
bogh tlhInganpu', SuvwI'pu' moj, Hegh. (TKW)
Heghlu'meH QaQ jajvam. (TKW)
batlh bIHeghjaj. (TKW)
Dajonlu'pa' bIHeghjaj. (TKW)
reH Heghrup tlhIngan SuvwI'. (TKW)
bIHeghvIpchugh bIHeghpu'. (TKW)
DujDaj HubtaHvIS Hegh 'e' tul Hoch tlhIngan. (TKW)
Qu'Daj ta'taHvIS Hegh 'e' tul Hoch tlhIngan. (TKW)
wo' toy'taHvIS Hegh 'e' tul Hoch tlhIngan. (TKW)
wej Heghchugh vay', SuvtaH SuvwI'. (TKW)
batlh maHeghbej 'ej yo' qIjDaq vavpu'ma' DImuv. pa' reH maSuvtaHqu'.
(Anthem)
--
Voragh
Ca'Non Master of the Klingons