tlhIngan-Hol Archive: Sat Sep 25 19:26:28 2004

Back to archive top level

To this year's listing

• Index by Date
• Index by Thread
• Index by Author

RE: Klingons For Kerry

Alan Anderson ([email protected])

• From: Alan Anderson <[email protected]>
• Subject: RE: Klingons For Kerry
• Date: Sat, 25 Sep 2004 21:25:42 -0500
• In-reply-to: <[email protected]>
• References: <[email protected]>

ja' Holtej:
>che'wI'ma'qoq vIqaD.

<-qoq>?  che'wI'ma' gheSmeH ghaH luwIvta' wIvwI'pu'.

>meqmey law' vIghaj.

loQ meq puS vIjangnIS.  woQmo' vIghoH vIneHbe', 'ach 'op ngoDHeylIj
vItlhochnIS, 'ej jaS Huch ngoch wIyajlaw' SoH jIH.

>- not QI'vaD toy' ghaH.  noH jun.

chaq noH jun, 'ach junmeH HIvDuj 'orwI' moj.  noHDaq jeS HIvDujvetlh Segh.
Suv neHbe'chugh, jum to'Daj.

>toy'bej gholDaj.  'ach batlhHa' gholDaj HIv.  wejpuH.

mu'meyDaj vIQoyDI', reH jatlh <batlh toy'pu' gholwI'>.  HIvpu' 'e' vISovbe'.

>- maQojtaHvIS nurup qum 'e' nup, 'ach mIpwI' QaH tIn law', Huch HutlhwI' QaH
>tIn puS. batlhHa'.

reH mumISmoH ngoDHeyvam luHarbogh nuv.  mIpwI''e' QaHbe'.  DIlwI''e' QaH.
jIH mIp law' latlh mIp puS, vaj wIruplu'DI', jIpwIj tIn law' latlh jIp tIn
puS.  jIpmaj nurlu'chugh, popqoqwIj tIn law' latlh popqoq tIn puS.  'ach
jIle'be'bej, 'ej choHpu'be' ghu':  jIpwIj tIn law' latlh jIp tIn puS.

>- tlhoy ghur qum, 'ej tlhoy Huch ghajbe'bogh woD qum.  DIl 'Iv?  puqma'.
>qaStaHvIS puq poH law'.  batlhHa'.

teHba'be'.  Sengba'be' ghu' 'e' maq Huch qun.  'ej nIvbe'bej gholDaj nabHey
-- qum machchoHmoHbe' Kerry, 'ej qum Huch natlhqangbogh ghaH law' law' qum
Huch SuqlaHbogh ghaH law' puS.

>- muD, bIQ je lamchoH 'e' chaw'.

loQ bIlugh, 'ach naQbe'chu' lut.  laSvargh SeHmeH DIb ghajbejbe' loH.
chutmey laghbe' ghaH.  HattaH HatwI', 'ej Hatbe'taH Hatbe'wI'.  choH ngoch.
ratlh chut.

>mab lon.  batlhHa'.

mab lonbogh yIngu'.

-- ghunchu'wI'

• References:
  • RE: Klingons For Kerry
    • From: "d'Armond Speers, Ph.D." <[email protected]>

• Prev by Date: Re: (?) interrogative suffix on imperatives?
• Next by Date: Re: suggestions please
• Previous by thread: RE: Klingons For Kerry
• Next by thread: Re: Klingons For Kerry
• Index(es):
  • Date
  • Thread
  • Author

Back to archive top level