tlhIngan-Hol Archive: Sat Sep 25 08:56:40 2004

Back to archive top level

To this year's listing

• Index by Date
• Index by Thread
• Index by Author

RE: Klingons For Kerry

d'Armond Speers, Ph.D. ([email protected])

• From: "d'Armond Speers, Ph.D." <[email protected]>
• Subject: RE: Klingons For Kerry
• Date: Sat, 25 Sep 2004 09:55:58 -0600
• Importance: Normal
• In-reply-to: <[email protected]>

I wrote:

>> nuqjatlh?  QIpqu' tlhInganpu'vam, pagh QIpqu' Democrats?
>> naDev woQ vIqel vIneHbe', 'ach chotIchchugh...

jang weQqul:

> ooooops! HIvqa' veqlargh!  QIpqu' Democrats!

wejpuH.  naDev tlhIngan Hol wIqelnIS, 'ej DaH batlhHa' chotIch jay'.

jIQIpbe'.  jaS maQublaw', 'ach matIch'chuqnISbe'.  maQochtaHvIS
mavuvchuqlaH, qar'a'?

chaq jIQIp 'e' DaQub.  yIQIj'egh.  vuDlIj yIHub, pagh chotIch 'e' yIbaq.

che'wI'ma'qoq vIqaD.  meqmey law' vIghaj.

- Qaqba' DevwI'qoqma' HoQ.  batlhHa' noH tagh.  'Iraq yotmeH qo'vaD nep.
nuHIvbogh HIghwI' buSHa'.  batlhHa'.
- not QI'vaD toy' ghaH.  noH jun.  toy'bej gholDaj.  'ach batlhHa' gholDaj
HIv.  wejpuH.
- maQojtaHvIS nurup qum 'e' nup, 'ach mIpwI' QaH tIn law', Huch HutlhwI' QaH
tIn puS. batlhHa'.
- tlhoy ghur qum, 'ej tlhoy Huch ghajbe'bogh woD qum.  DIl 'Iv?  puqma'.
qaStaHvIS puq poH law'.  batlhHa'.
- muD, bIQ je lamchoH 'e' chaw'.  mab lon.  batlhHa'.
- nuvuvbe'choH Hoch wo'.  batlhHa'.
- QaSma' boQbe'.  SuvtaHvIS negh, nuH yap nobbe' (Huch SuqmeH).
qorDu'chajvaD nup DabmeH qach DIlmeH Huch.  qurDu'vaD nup yInmeH Huch.
batlhHa'.
- vumwI' muSlaw' DevwI'qoqma' HoQ.  loSmaH rep vumDI', motlh vumtaHDI' ghur
Huchchaj.  'ach ngochvam qIl neH ghaH.  wejpuH.  batlhHa'.
- lalDan qum je chevchu' chutmaj.  'ach chut buSHa'chu'.  Hatba'.  'ej, jaS
Qubchugh rewbe', 'urwI' ghaH 'e' per.  batlhHa' jay'.
- nup vumbogh ghot mI'.  che'taHvIS DevwI'vam, ngab tlhoS wa''uy' Qu'.
chay' vang?  mIpwI' rup 'e' nup.  Dap!

tIqqu' tetlhvam, 'ach jImevnIS.

'up DevwI'vam; romuluSngan rur.  qatlh vuDvam vIghaj?  jIQIpmo'?  ghobe',
qunDaj vInuD neH.  chaq ngoDmey vImuchbogh Datem, 'ach ngoDmey bIH.  ngeDbe'
tammeH mIw.  chaq Datembe' 'ej DevwI'vam HoQ DaparHa'.  jIyajbe'.  chaq
yavDaq nachlIj Dapoch, jISovbe'.  'ej jISaHbe'.  'ach HItIchQo' jay'.

--Holtej

• Follow-Ups:
  • RE: Klingons For Kerry
    • From: Alan Anderson <[email protected]>

• References:
  • Re: Klingons For Kerry
    • From: [email protected]

• Prev by Date: Re: Klingons (SHOULD NOT BE) For Kerry
• Next by Date: Re: De'wI'wIj vIngu'; pagh vIngu''a'? (Re: Skype
• Previous by thread: Re: Klingons For Kerry
• Next by thread: RE: Klingons For Kerry
• Index(es):
  • Date
  • Thread
  • Author

Back to archive top level