tlhIngan-Hol Archive: Thu Sep 12 04:16:26 2002
[Date Prev][Date Next][Thread Prev][Thread Next]
Re: HeghmeH QaQbogh jaj yIngu'
>maja'chuq tulwI' jIH je:
>>>>bIlughchu'. laH wIHutlhbe'bej, 'ach wIlo'be'taH. DochmeywIj pup
>>>>vIngu'qang. 'ach Qatlh. chaq bIH ngu'meH Dochmey pupHa'
>>>>vIngu'nIS. bIH chutmey, lo'laHghachmey, tuchghachmey, pIchmey,
>>>>paymoHghachmey je. Dayaj'a'? Dochmeyvetlh wIbuSmeH nenwI', ngeD.
>>>>'ach bIH wIbuStaHvIS 'ej ghIq Dochmey tIn wIta'taHvIS tlhabHa'
>>>>yabmaj. ghIq Dochmey pup wIbuSlaHbe'. ta'laH puq'e', Dochmeyvetlh
>>>>ghojpu'be'mo'. ta'laH maH je, 'ach Qatlhqu'. maHvaD motlhqu'
>>>>yabwIj tlhabHa'.
>>>
>>>qayajlaw' 'ej maQochlaw'. qayu': Doch pupHa' 'oH'a' batlh'e'?
>>
>>:) excellent question.
>
>lurDech yIqel. Doch pupHa' 'oH'a' lurDech'e'?
>
>>>batlh jIvangmeH, chutmey Sar vIlobnIS. chutmeyvam chenmoHbe' qum.
>>>chenmoHpu' batlh. rut nutuch batlh 'ej batlh mavang rut 'e' wIpay.
>>>mu'meylIjmo' bIja'law', Dochmey pupHa' 'oH batlh'e'. jIQochchu'!
>>
>>Dochmey pupHa' bIH chutymey'e' jay'! batlh Hutlh chutmey. tIqmaj
>>tlhabHa'moH chutmey. 'ach batlh mavangmeH, tIq'e' neH tlhab
>>wIlobnIS. tIn batlh. tIn maH.
>
>batlh mavangmeH, batlh chut neH wIlobnIS. batlhHa' jIvang, pIj jIHvaD 'e' qeS
>tIqwIj. mut tIq.
>
>(maja'chuq 'e' vItIv. Dajqu'.)
(jIHvaD je.)
chaq <batlh> <matlh> je mu'mey wItam. pIm bIH. lurDech lobmeH quv
quvchugh lurDech. chutmey lobmeH quv quvchugh chutmey. 'a chay'
Sovlu'? lurDech chutmey (je) neH wIlobtaHvIS tlhabHa'taH tIqmaj, 'ej
not tIq vIt wIleghlaH, 'ach reH chutmey vIt DaleghmoHlu'. quv
chutmeywIj 'e' wISovbe' chutmey wIlobtaHvIS. mamatlh neH 'e'
wISovlaH.
DochmeyvaD leghbogh tIq mut tIq. vaj tIqmaj wIqeqnIS vIt leghmeH tIqmaj.
tulwI',
sts.