Re: HeghmeH QaQbogh jaj yIngu'

[Alan Anderson <aranders@netusa1.net>]

ja'pu' Bart:
>potlh'a'? ghobe'. Daj qoSmey 'ach ram. leng chuq rur. leng potlh law'
>chuq potlh puS.

ja' tulwI':
>HISla'. qen - wa'Ha' - Dochvam'e' vIQub. puq maHtaHvIS 'ej qoSmaj
>qaStaHvIS, Quchqu' maH. qatlh? manenchoH 'e' vISovqu'. vaj maSey.
>'ach DaH motlh maSeybe', manenchoHtaHbe' 'e' wISovmo'. vaj manen'a'?
>vIHon. nuq DaQub?

qen Dochvam vIqelchoH je jIH.  wa' nem qaS qep'a' wa'maHDIch, 'ach 'oHvaD
<qep'a' wa'maH> vIpong vIneH.  qatlh <-DIch> vInge'?  jIQIj 'e' vInID.

puStaHvIS qoSmey, potlhqu' Hoch qoS chu'.  qaSpu'DI' wa', qaSpa' latlh,
tlhetlh yIn.  Dochmey chu' SIQlu'.  qechmey chu' ghojlu'.  ghur yIn.  wa'
wanI' chu' tlha' latlh.  reH le' qoS.  reHchoHlu'.  yItchoHlu'.
jatlhchoHlu'.  laDchoHlu'.  HaDchoHlu'.  vumchoHlu'.  qaS latlh je.  roD
tlhejchuqmo' chavmey DISmey je, DISmey toghlu'chugh, motlh quq chavmey
loplu'bogh.

law'choHDI' qoSmey, chungHa'pu' wanI'mey.  qaSbej, 'ach wa' nungbe'law'
latlh.  pIm wanI'mey 'ach tlhetlhbe'choHbejbe' yIn.  qaS neH.  ta'mey potlh
law' poH potlh puS.  qoSmey toghchugh neH vay', pagh chav'.

-- ghunchu'wI'