tlhIngan-Hol Archive: Mon Sep 02 11:41:11 2002
[Date Prev][Date Next][Thread Prev][Thread Next]
Re: HeghmeH QaQbogh jaj yIngu'
ghItlh ghunchu'wI':
>ja'pu' Bart:
> >potlh'a'? ghobe'. Daj qoSmey 'ach ram. leng chuq rur. leng potlh law'
> >chuq potlh puS.
>
>ja' tulwI':
> >HISla'. qen - wa'Ha' - Dochvam'e' vIQub. puq maHtaHvIS 'ej qoSmaj
> >qaStaHvIS, Quchqu' maH. qatlh? manenchoH 'e' vISovqu'. vaj maSey.
> >'ach DaH motlh maSeybe', manenchoHtaHbe' 'e' wISovmo'. vaj manen'a'?
> >vIHon. nuq DaQub?
>
>qen Dochvam vIqelchoH je jIH. wa' nem qaS qep'a' wa'maHDIch, 'ach 'oHvaD
><qep'a' wa'maH> vIpong vIneH. qatlh <-DIch> vInge'? jIQIj 'e' vInID.
>
>puStaHvIS qoSmey, potlhqu' Hoch qoS chu'. qaSpu'DI' wa', qaSpa' latlh,
>tlhetlh yIn. Dochmey chu' SIQlu'. qechmey chu' ghojlu'. ghur yIn. wa'
>wanI' chu' tlha' latlh. reH le' qoS. reHchoHlu'. yItchoHlu'.
>jatlhchoHlu'. laDchoHlu'. HaDchoHlu'. vumchoHlu'. qaS latlh je. roD
>tlhejchuqmo' chavmey DISmey je, DISmey toghlu'chugh, motlh quq chavmey
>loplu'bogh.
>
>law'choHDI' qoSmey, chungHa'pu' wanI'mey. qaSbej, 'ach wa' nungbe'law'
>latlh. pIm wanI'mey 'ach tlhetlhbe'choHbejbe' yIn. qaS neH. ta'mey potlh
>law' poH potlh puS. qoSmey toghchugh neH vay', pagh chav'.
jIyaj 'ej jIQochbe'bej 'ach qatlh <qep'a' wa'maH> DamaS?
<qep'a' cha'SanID wej> DamaS'a' je?