cha' qo'mey pIm

[PeHruS9@aol.com]

Here is the proofed reprint of Chapter Five of Leo P. Kelley's "Worlds Apart"

tay'qa'

    leQ bej bI'raQ.  qara wanI' SovHom QubchoH bI'raQ, vaj leQvaD QIj ‘e' 
wuq.
    ghel bI'raQ, jatlh, <<leQ.  qo'mey Don nger DaQoypu'‘a'?>>
    jang leQ, jatlh, <<HISlaH, vIQoypu'.  wa' Daq luDanlaH cha' qo'mey qo'mey 
law' qoj ‘oHbogh nger'e', qar'a'?>>
    <<bIlugh.  pImchuqchugh poHmeychaj, Daq nIb luDanlaH cha' qo'mey.>>
    bI'raQ DeS ‘uchchoH leQ, jatlh, <<qo'maj Donbogh qo'Daq ghaHtaH qara'e', 
bIjatlh'a'?>>
    jatlh bI'raQ, <<naDev vIDabchoHpa', qIb pImDaq jIvum. pa' ngab ghotpu' 
law.  Hoch luSamlaHbe' loghbeq.  wej cheghpu'pa' wa' be', qo' DonDaq ‘
elpu'bogh ghaH, Hoch luSamlaHbe'.  cheghpu'DI' be'vam, qo'vetlhDaq 
ngabpu'bogh Hoch ghotpu' DISamta' ‘ej DISuqqa'.>>
    jatlh leQ, <<nuDonbogh qo'Daq ghaHtaH qara'e' ‘e' DaQub, qar'a'?>>
    jatlh bI'raQ, <<HIja'.  ‘e' vIQub.  ret pa' jIyIttaHvIS qo' pImqu' 
vIlegh.  qo'maj ‘oHbe'.  jIbej.  Deb rurlaw' Hoch.>>
    jatlh leQ, <<Ha'!  qo'vetlh wIghoS.  qara wISamnIS ‘ej naDev ghaH 
wIqemnISqa'.>>
    jatlh bI'raQ, <<leQ, yImoDQo'!  qo' pIm Dotlhmey DISovbe'.  chaq pa' Seng 
wIqaD.>>
    pe'vIl jatlh leQ, <<jISaHbe'.  be'nalwI' vISuqqa' vIneHbej.  De'Hom DaSov 
DaneH'a'? qara vIparHa' ‘e' vISov.  ‘ach wej ghu'na' vISov.  DaH vISovchu'!>>

    jatlh bI'raQ, <<tIqlIj Dotlh vISov je jIH.  ‘ach mayepnIS.  mayepqu'nIS.  
naDev bIloSchugh, vaj QaQ.  yaH vIchegh ‘ej latlh yaSpu' vIqem.  ghIq 
matay'taHvIS qo' pIm wI'el Hoch.>>
    jatlh leQ, <<poH ‘Iq natlhlu'.  ‘ej poH puS neH wIghaj.  qo' pImDaq 
wIqaDba' bIjatlhpu'.  chaq DaH qara Senglu'taH.  bIneHchugh, yaH Dachegh.  ‘
ach qo'vetlh vI'el jIH, ‘ej DaHna' vI'el.>>
    leQ mevlaHpa' bI'raQ, qo' Don ‘el leQ.  DaH leQ leghlaHbe' bI'raQ.  yaH 
chegh ghaH neH ghaH, latlh yaSpu' qemmeH.  mIwvam vangchugh, vaj val vangwI'. 
 ‘ach qaravaD leQvaD je SaHchu'.  wuqbej.  qo' Don ‘el je ghaH.  pa' Qam leQ 
‘ej Dat bej.
    jatlh bI'raQ, <<nuqDaq ghaHtaH?  maSovlaHbe'.  ghaytan He SovlaHbe' qara.>
>  yav legh.  <<yavDaq vay' wIghochlaHbogh tu'lu'be'.  vay'vetlh 
chenmoHlu'meH, tlhoS let yav.>>
    DuvchoH leQ.
    leQvaD jatlh bI'raQ, <<loQ yIloS!>>
    ghel leQ, jatlh <<qatlh?  poH law' wInatlhpu'.  qara wISamnIS.>>
    jatlh bI'raQ, <<wa' tup neH vIlo'.>>  nagh tut'a' tIn chenchoHmoH.
    ghel leQ, jatlh <<qatlh Data'?  poH Danatlh ‘e' yImev!>>
'ach nagh tutmo' vumtaH bI'raQ.  chavta'DI', leQ tlhejqa'.  QIj, jatlh, <<
rarchuqbogh cha' qo'mey Daqvam vIqaw vIneH.  mamejrupDI', He wISamlaH 
wIneHbej.>>
    jatlh leQ, <<qara wISampu'pa', jImejqangbe'.  Ha'!  mavang!>>
yIt chaH.  qach luleghbe'.  Sor luleghbe'.  wab luQoybe'.  pay' mev bI'raQ.  
DopDaj Hot.
ghel leQ, jatlh, <<DaH.... chay'?>>
jatlh bI'raQ, <<HIchwIj....>>
<<HIchlIj qel nuq?>>
jatlh bI'raQ, <<nagh tutvetlh vIchenmoHtaHvIS, chaq HIchwIj vIchagh.  
vInejmeH jIcheghnIS.  not HIchDaj qengbe' Hubbeq yaS.>>
QeHlaw' leQ, jatlh, <<vaj yIchegh!  yInej!>>
jatlh bI'raQ, <<naDev choloS'a'?>
nachDaj joqmoH leQ, jatlh, <<jIDuvqa'.>>
leQ mejbe' ‘e' wuq bI'raQ.  HIch lonnIS.  qara Senglu' DaH ‘e' Sovlaw'.  Hov 
jav SIchbogh He SamnIS qara.  ‘ach Qobchugh qara, nIteb yIt leQ ‘e' chaw'be' 
bI'raQ.  chaq leQ SengchoHlu' je.  vaj leQ retlhDaq yItqa'.  rut nagh tIn 
woHmeH, ru' mev.  ghIq He retlhDaq lan.
ghel leQ, jatlh <<DaH nuq Data'?>>
jatlh bI'raQ, <<rarchuqbogh cha' qo'mey Daqvetlh He'e' wIghochqa'laHbogh 
vIqon.>>
ghel leQ, jatlh, <<loghbeq DuSaQDaq SoHvaD mIwvam lughojmoHta'‘a'?>>
jatlh bI'raQ, <<ghobe'.  ‘ach manab ‘ej mayep maHvaD ‘e' lughojmoH.>>
pay' vay' luleghchoH bI'raQ mInDu'.  chal bej.  bej je leQ.  chaH DungDaq 
telDu' ghajbogh ‘ej qajbogh Dep leghDI' leQ, jatlh <<bo'Degh ‘oH'a'?>>
jatlh bI'raQ, <<ghobe'.  bo'Degh ‘oHbe'.  Doch ‘oHbogh vISovbe'; ‘ach 
bo'Degh ‘oHbe' ‘e' vISovbej.>>
jatlh leQ, <<bo'Degh ‘oH pagh ‘oHbe' ‘e' vISovbe' je jIH.  ‘ach not qara 
vIleghqa' vIneHbe' ‘e' vISovchu'.  bI'raQ, qaja'.  qen QaQbe' parmaqmaj 
Dotlh.  jIqay' jIH DaH ‘e' vISov.  beq QaQ ghaH qara'e'.  ‘ach lut qonwI' 
QaQ jIHbe'.  ghaH QaQ law' jIH QaQ puS qen ‘e' vIQub.>>
jatlh bI'raQ, <<qara vISovbogh Delbe' De'vam.>> chalDaq ‘oHtaHbogh telDu' 
ghajbogh Dep'e' bejtaH ghaH.
jatlh leQ, <<jISov.  qechvam Qubbe' qara.  qechvam vIQub.  jI'um ‘e' 
vIHarbe'.  jIvumtaHvIS yapHa' laHwIj.>>
jatlh bI'raQ, <<yap qara chavmey.  reH batlh vumchu'.  vaj Qapbej ghaH.>>
jatlh leQ, <<bI'raQ, bIlugh.  DaH jISov.  jIghojchoHmeH paSqu'‘a'?  bI'raQ 
bej, jatlh, <<nuq DabejtaH?>>
chalDaq SIq bI'raQ, jatlh, <<DaH pa' cha' Depmey tu'lu'.  ‘ej DaH puvmeH mIw ‘
eS law' qen puvmeH mIw ‘eS puS.  HIchwIj vIghajchugh, vaj jIQuch.>>
ghel leQ, jatlh, <<nuSeng ‘e' DaQub'a'?>>
Sovbe', jatlh bI'raQ.  ‘ach qaSpu'DI' tupmey, SovchoH.  Sov je leQ.  
lurghchaj lughIrmo' cha' Depmeyvetlh, vaj Sovchu'.
‘om bI'raQ ‘e' nID.  ‘ach Depmey mevlaHbe' loS DeSDu'Daj.  ghaH jon wa'.  
bI'raQ ‘uchchoH leQ ‘ej Depvo' luH ‘e' nID.  qaStaHvIS wa' tup Qaplaw', ‘
ach pe'vIl luH Dep, ‘ej bI'raQ ‘uchlaHtaHbe' leQ.  quqtaHvIS, leQ von Dep 
cha'DIch.
bI'raQ leQ je ‘uchtaHvIS cha' Depmey, chalDaq Sal.  ghIq tInbogh DIS chong 
lurgh lughoSmeH puv.  tugh lupaw.  ghIq retlhDaq leQ bI'raQ je roQ.  bI'raQ ‘
uchHa'DI' Dep, qIp bI'raQ.  ‘ach qIpqa'laHpa', bI'raQ pup Dep.  DIS chong 
HeHvo' pum bI'raQ ‘ej bIS'ubDaq ghIr.  lup veb ghaH retlhDaq ghIr je leQ.
pay' Hu' leQ ‘ej qetchoH.  jach, jatlh, <<qara!  qara!>>
paghlogh qara leghbe'pu' bI'raQ.  ‘ach DaH leghmo', lurghDaj qet je ghaH.
leQ qara je pawDI' bI'raQ, Dechchuq DeSDu'chaj.  latlh ghelpa' vay', ghel 
qara, jatlh, <<chay' tuSam?>>
QIj leQ.  ghIq qaravaD parmaq HoS maq.  jang qara, not mev parmaqchaj ‘e' tul 
ghaH.  tay'qa'mo' chaH, Quch je bI'raQ.  qaravaD ghel, jatlh, <<qochwI', 
bIpIv'a'?>>
jang qara, jatlh, <<jIrIQbe'.  ‘ach wISenglu' jay'.>>