tlhIngan-Hol Archive: Fri Jun 21 22:34:47 2002
[Date Prev][Date Next][Thread Prev][Thread Next]
yajmeH (Re: Headers. Yet again.)
Andrew Strader <[email protected]> vIja'pu':
>qaqaDneS: QInmeylIj luyajlu'meH, mu'tlheghmeylIj Qatlh tInapmoH. DIvI'
>Hol 'oHbe' tlhIngan Hol'e' net Sov. QIn DaQatlhmoHDI', DanaDlu'be'.
ghel Qov:
>'a 'Iv yajlaHghach wIqel?
yajnIS matlh 'e' vIqap vIneH, 'ach vIjatlhtaHvIS jISaghlaHbe'.
vaj yajnIS 'Iv'e'? va, jImutlaw'. jIyaj jIH vIneH.
>...rut mu'tlheghmeyDaj muHnISlu'bej 'e' vItembe'. 'ach
>tIqIchQo', SIbI' boyajbe'mo'.
jIqIchbe'. chaq jIpIch, 'ach jIqIchbe'. jItIchbe'bej.
>cha' nuv poQbej, 'ach pa' bebmaj wIpepmeH, latlhmey SIchnISmoH
>nIvwI'pu'.
bIlughba', 'ach bIlughchu''a'? yap'a' 'aqroSmaj?
pagh chaq pIm Seng. chaq qay'be' Qatlhlaw'ghach. chaq qay' pImlaw'ghach
neH. pIm Hol SeQ, Hol ghoQ je. Hol motlh vIjatlh 'ej vIyaj. tlhoy
SeQchugh vay', loQ vIvoqbe'choH. tlhoy Hem ghaH, chaq 'e' vIQubchoH.
>pab ghongDI' vay', yISovmoH. mu'tlhegh QIp qonDI' vay',
>yISovmoH.
'ach QIp mu'tlhegh 'e' wuq 'Iv? :)
QIpbe' "The stick broke." QIpbe'law' "The stick the dog chased broke."
QIpchoHlaw' "The stick the dog the cat scratched chased broke." rut
mu'tlhegh wejDIch rur 'op SoQ.
-- ghunchu'wI'