Re: Headers. Yet again.

[Qov <qov@direct.ca>]

lab ghunchu'wI'

jIjangpa', jabbI'IDghom jeSwI'pu' vIHoy' vIneH.  maSol vIneHbe' 'ach Holmaj 
wIchoqmeH mangachnIS.  SuSoltaHvIS tlhIngan Hol neH bolo'mo', taghwI'pu' 
boSujbe' 'ej chu'wI'pu'vaD Sutaylaw'.  tlhIngan Holraj napHa' yajlaHchugh 
vay', vaj nuvpu' napHa', jIjHa'ghachmeymaj yajchoH 'e' baj.  chutHomHeyvam 
pabbe'mo' wa' nuv jIbelHa'.  'utbe' DIvI' HolDaj.  tlhIngan Hol lo'be' 'ej 
qelbe'.

jabbI'IDghomvam lo'taHvIS vay', charghwI' tIch net chaw', 'a tlhIngan Hol 
lo'nIS.

>ja'pu' Andrew Strader <strader@decode.is>:
> > jabbI'IDmeyvam ngoQ vIghochlaHbe'. [...]
>
>ja' SuStel:
> > va!  SoQlIj vIlaD 'e' vInIDDI', qatlh mu'tlheghmeylIj Qatlh law' Hoch Qatlh
> > puS?  qayajlaHbe'!  :-0
>
>Andrew, tlhIngan potlhmey DabuSHa'ba'.  mu'tlhegh Qatlh DamuSHa'law', 'ach
>bIQumchu' 'e' lunISqu'.  wa' potlh yIqaw:  "Straightforwardness".  pIj
>Huvbe' qechmeylIj, botmo' qevbogh mu'meylIj, taHqu'bogh mu'tlheghmeylIj je.
>
>ja'qa' Andrew Strader <strader@decode.is>:
> > Do'Ha'. DIvI' Hol mu'tlheghmey'e' roD naDev luqonlu'bogh Qatlh law', 
> tlhIngan
> > Hol mu'tlheghmey vIqonta'bogh Qatlh puS.
>
>qaqaDneS:  QInmeylIj luyajlu'meH, mu'tlheghmeylIj Qatlh tInapmoH.  DIvI'
>Hol 'oHbe' tlhIngan Hol'e' net Sov.  QIn DaQatlhmoHDI', DanaDlu'be'.

'a 'Iv yajlaHghach wIqel?  tlhIngan mu'tlhegh vIqontaHvIS, laDwI' 
vIqel.  taghwI'vaD vIqonchugh nap mu'tlhegh.  jIHvaD vIqonchugh, vaj 
vIyajnISlaH jIH.  naQbogh qech quq vIqellaHbe'chugh, cha' mu'tlhegh 
vIqon.  mu'tlheghmeywIj vuS yajlaHghachwIj.

qaStaHvIS tup, Andrew boqIch 'e' yImev.  chaq mu'tlheghmeyDaj napHa'ghach 
vuS je yajlaHghach.  rut mu'tlheghmeyDaj muHnISlu'bej 'e' vItembe'.  'ach 
tIqIchQo', SIbI' boyajbe'mo'.

qep'a'Daq jIjatlhtaHvIS, rut mu'tlheghmey napHa'qu' vIlo'.  law'/puS 
vIlo'DI' Haw'ruplaw' taghwI'.  wej mu'tlheghvetlh ngaSlaH yabchaj.

Supo'.  mapo'.  jabbI'IDvam'e' DalaDtaH bIpo'.  'ach tlhIngan maHbe'.  Hol 
napHa'ghach Hat yInoHQo'.  yapbe'bej laHmeymaj!  not yIlIj!  not 
peyon!  qep'a' wejDIchDaq jIHvaD jatlh ghuyDo wa'.  rut qeS potlhqu'vetlh 
vIlIj. jabbI'IDghomvamvaD yap laHwIj.  Hoch vIyajlaH.  vIvuvlu'.  'ach 
yapbe'bejqu' laHvam!  tlhIngan maHbe'!  ghu maH!

> > bIH yajlaHbej 'op latlhpu'.
>
>pIj qayajlaw' neH.  rut qayajbejbe'.  'ej qen wa' mu'tlheghlIj
>vIyajbe'chu'.  yajbe' je charghwI', 'ach yajbe' ghaH 'e' 'angDI',
>bIQeHchoHlaw'.  (latlh jabbI'IDDaq mu'tlheghvam vIqel.)
>
> > bIqeqqu'nIS. wej bI'um neH.
>
>wejpuH.  cha' nuv poQ Qumchu'ghach.  qechmeyDaj QatlhmoHchugh jatlhwI',
>yajbe'bogh 'IjwI' neH yIpIchQo'.

cha' nuv poQbej, 'ach pa' bebmaj wIpepmeH, latlhmey SIchnISmoH 
nIvwI'pu'.   pab ghongDI' vay', yISovmoH.  mu'tlhegh QIp qonDI' vay', 
yISovmoH.

Supo'mo', motlh SuyajlaHbe'chugh pIch ghaj qonwI'.