tlhIngan-Hol Archive: Wed Jun 19 13:49:55 2002

Back to archive top level

To this year's listing



[Date Prev][Date Next][Thread Prev][Thread Next]

Re: Headers. Yet again.



lab ghunchu'wI':
> jIQIj 'e' vInIDchugh jIH, chaq jIQap.  chaq jInaj neH.

ghobe'. vuDlIj vIvuv. rut jIQoch, 'ach reH qavuv.

> charghwI', yIqIm.  QIt qech vIDel.  QIt yIlaD. 

llllllluuuuuuuu'.

> bIlaDpa' yablIj yIchImmoH.

pagh vIqeltaH. jIQub 'e' vImev.

> Hoch SuStel qechmey DaSovlaw'bogh tIlIj.

vIlIjpu'. paghvo' jItagh.
 
> wa':  le'be' <-'e'>.  le'be' vIHmeH wotmey. 

le'be''a'?

ghobe'! jIQub jImevqa'.

le'be' 'e' vIlaj.

> pab nIt pabchu' Hoch.

yabwIj reylI' qechvam. [ouch.]

> "Subject" 'oHbe'chugh DIp'e' 'ej "Object" 'oHbe'chugh, "Object" nung
> DIpvetlh.  nap. 

teH. qechvam vIqaDbe'.

> Qatlhbe'.  qechvam 'oghbe' SuStel.  qechvam maqchu'
> TKD'e'.  pong chellu' neH:  "Subject" "Object" pagh 'oHbe'chugh, mu'tlhegh
> HochHom nungmo', "Header" 'oH.

not mu'vetlh lo' TKD, 'ach lo'laHlaw'. *Direct Object* nungbogh 
vay'e' 'oH "Header"'e', qar'a'?

> cha':  "Object" nung DIp qaSmoHbe' Segh vagh mojaq.  qaSmoH DIp Qu'.  roD
> Segh vagh mojaq poQ Qu'vetlh.  chenbe' pab chut chu'.  le'nISbe' 'op ghu'.
> motlh Hoch.

wa' ngoD buSHa' chutvetlh:

DIp Qu' 'ang Segh vagh mojaq.

ngoDvam lutlha' ngoDHom puS. mojaq poQbe' wa' "Header" DIp Segh: mojaq poQbe' 
poH ngu'bogh DIp'e'. mojaq poQbe'bogh latlh'e' wItu'be'pu'.

chutHeyvam DaHon'a'?

Segh vagh mojaq <-mo'> ghajchugh DIp, reH *Header* DIp 'oHtaH. not chutHeyvam 
wemlu'.

chutHeyvam DaHon'a'?

Segh vagh mojaq <-vaD> ghajchugh DIp, reH *Header* DIp 'oHtaH. not chutHeyvam 
wemlu'.

chutHeyvam DaHon'a'?

Segh vagh mojaq <-Daq> ghajchugh DIp, 'ej vIHmeH wot le' lo'be'lu'chugh, reH 
*Header* DIp 'oHtaH.  not chutHeyvam wemlu'. vIHmeH wot le' lo'lu'DI', Segh 
vagh mojaq <-Daq> ghajlaH *Direct Object*.

chutHeyvam DaHon'a'?

QapmeH mojaq <-Daq> rur mojaq <-vo'>.

chutHeyvam DaHon'a'?

latlhmeyvam Dabe' mojaq <-'e'>. Dat narghlaH mojaq <-'e'> ghajbogh DIp'e'.

chutHeyvam DaHon'a'?

qatlh chutmeyHeyvam DIbuSHa'nIS? jISuv vIneHbe'. qavuvHa' vIneHbe'. qamoghmoH 
vIneHbe'. meqlIj vIyajbe'. jImul vIneHbe'. vIt vIHub vIneH neH.

> Segh vagh mojaq ghajlaH "Subject" 'e' botbe' pab. 

Hol DelmeH pab qon MO. [Both ways of interpreting that are accurate.] Hol 
SeHbe' chutmeyvam. Hol Del chutmeyvam. chutmey Samta' MO 'ej maHvaD 'angta'. 
Hol wIbejtaHvIS latlh chutHey DItu'chugh, mujnISbe' chutmeyHeyvam. Holna' potlh 
law' pab potlh puS.

qar Hol lo'maj wIneH. Qu'vam QaH TKD 'ach rapchu'be' pabna' TKD je. Holna' 
bejnISlu'.

> motlh wanI'vetlh bot
> 'u''e'.  not chovnatlh wIlegh, not qaSmo' poQbogh ghu', 'ach SaHbe' pab'e'.

Holna' wIbuSHa' DaneHlaw' 'ej pab Delbogh paq neH wInuD DaneHlaw'. taQ 
HelIj, 'ach vIlaj. jatlhlu'chugh <<munej Dujvo'>> jIQoy 'ej jIghoHbe'taH 
DaneHlaw'. chaq lugh. botbe' pab. Dap, 'ach bIvbe'. lughlaw' SoHvaD. [You, the 
beneficiary, are apparently right.]

> >chut chu' vImaqbe'qu'pu'!
> 
> SuStel, bIlugh.  chutHey chu' poQlaw' charghwI''e':  <Segh vagh mojaq
> ghajchugh DIp, "Object" nungnIS.  'ach le'mo' <-'e'>, vIHmeH wotmey je,
> tIbuSHa'.>
> 
> charghwI', ghu' DaleghchoH'a'?  qech DayajchoH'a'?  chut chu' neHbe'
> SuStel. 

Qatlhqu' qechwIj vIDelmeH Qu'.

QIt jIqon. QIt yIlaD.

chutvam chovnatlhmey motlh DIqelDI', maQochbe'. roD Segh vagh mojaq ghaj 
*Header* DIp. *Header*Daq 'oHtaH je poH ngu'meH DIp'e'. maQochbe'.

le' chovnatlhmey DInejDI' He pImqu' DIghoS.

ghu' le' vIngu' vIneH. maHvaD ghu'meyvam Delta' MO. chaq pIq latlh ghu' le' Del 
je. jISaHbe', 'ach DaH ghu'meyvam Delta'. ngoDvam wIbuSHa'be'nIS.

'ach vIbuSHa' DaneHlaw'. vIbuSHa' neH SuStel je.

Suval, SoH SuStel je. Sumul, 'ach Suval. jImul je. jIval je. qay' 'ach mataHtaH.

> ghaH DapumDI', bImeqHa'.  chut' chu' DaneHlaw' SoH'e'.

'e' vISov. muja' *Okrand*, <<Hol lo'wIj yIbejtaH. Hol vIqonbogh potlh law' pab 
vIqonbogh potlh puS.>> Holmaj mung vIQoy.

tlhoy maghoH. jImev. chutmeylIj yIHar. vuDwIj yIbuSHa'. ram. jImevbej.

> -- ghunchu'wI'
 
charghwI'



Back to archive top level