tlhIngan-Hol Archive: Fri Jun 07 17:27:53 2002

Back to archive top level

To this year's listing

• Index by Date
• Index by Thread
• Index by Author

Re: jI'It

• From: Qov <[email protected]>
• Subject: Re: jI'It
• Date: Fri, 07 Jun 2002 14:31:36 -0700

wej benallI'vaD lut Daja'law'pu'.  bIwuqlI', qar'a'?

bIDIvmo' bI'oy'. bIDIS DaneH. Daja'be'chugh bIneptaH.  'ach Daja'chugh 
be'nallI' DaQuchHa'moHba'.

vaj qatlh DaDIS DaneH?  Daja'DI' Sab'a' 'oy'lIj?  Daja'be'chugh 'ej nem 
SovchoH be'nallI', bIQoS 'e' Har'a' ghaH?  Damagh 'e' Sov neH'a'?

bIQubqu'nIS.  bIwuqnIS.

bIngDaq qechmey vImuch.

ghaH DangejlaHbe' 'e' Da'olnIS.  not be'vetlh yItlhej, not ghaHvaD 
yIjatlh.  'oy'lIj yIqaw.  qaSchugh 'ej QoSchu'chugh loDnalwI', vISov 
vIneHbe'.  DubIj 'oy'lIj.  be'nallI'vaD Danob 'e' Dabajbe'.  yIQorgh.

navDaq ghaHvaD jabbI'ID yIqon.  yIQIjchu', yItlhIj, 'ach ghaHvaD 
yInobQo'.  SoHvaD yIlI'.  roD jabbI'IDmeylIj poSmoHchugh be'nallI', latlh 
DaqDaq yIlI'. yIpoSmoHQo'.  yIpol.  jabbI'ID 'ollaH Hov poH ghItlh.

qatlh DaSaw'?  DaH yIqaw.  bIchoH 'e' yIchaw'.  choH ghaH 'e' yIchaw'.

tugh bI'oy'qu'be'choH 'e' vItul.  lutlIjvaD juvoqmo' juquvmoH. chaq 
jughuHmoHmo' pImatlhtaH maH.

• Follow-Ups:
  • Re: jI'It
    • From: Alan Anderson <[email protected]>

• Prev by Date: Re: cha'DIch KLBC rI'
• Next by Date: RE: cha'DIch KLBC rI'
• Prev by thread: Re: jI'It
• Next by thread: Re: jI'It
• Index(es):
  • Date
  • Thread
  • Author

Back to archive top level