tlhIngan-Hol Archive: Sun Jan 06 17:54:20 2002
[Date Prev][Date Next][Thread Prev][Thread Next]
De' QaQqu'
- From: Andrew <[email protected]>
- Subject: De' QaQqu'
- Date: Sun, 6 Jan 2002 22:54:04 +0000
[jIHvo' DachtaHmo' mu'ghom, mu' puS vIloy. QaghmeyHey tISIQlI', juppu'
boqpu' je.]
muqelbogh De' QaQqu' yIbuSlI', 'eH. DaH bangwI' ghaHtaH be' Dun'e'. quv
ghaH, 'IH, qejHa', matlh 'ej qurHa'. wa'waQ be'nalwI' moj ghaH. me'ghan 'oH
pongDaj'e'.
wa' cha' wej je ben, bangwI' ghaHtaH latlh'e'. meq rammo' bangvam vebHa'vaD
me'ghan ponglu' je. toH, DaH jIHvaD motlhqu'mo' pongvam, bong DaHjaj bangwI'
vIpongHa', not 'e' vIghuHnIS. {{;) 'a va, vISawmeH QaQbe' me'ghan vebHa',
bangqoqwI' nI''e', 'ach QaQqu'bej me'ghan SaH, bangna'wI' chu' -- jIHvaD
ghaH'e' vInI'moH 'e' vItul. mISqu'law' qorDu'wIj, parmaqboqmeywIj yaj 'e'
lunIDtaHvIS. 'ach ghu' Do''e' DaH HochvaD vImaq: ret me'ghan QaQbe'
vItlhejtaH; DaH jaS me'ghan QaQ vItlhejtaH. yajlu'meH ngeD, qar'a'?
javben me'ghan QaQ vIqIH 'ej vImuSHa'choH. mamuSHa'qu'chuq, 'ach not
maQumchuqchu'. ngugh qItbe' parmaqmaj. va, qItchoHDI' parmaqmaj, pay' yoS
pIm DIDabchoHpu' 'ej jIH ghaH je nuDantaH bangpu' muj. mamoghqu' jIH ghaH
je, 'ach wej maQumchuqqa', qaSpa' wej wen. toH, wa' wen tagha' parmaqna'maj
wImaqchuq, 'ej DIch wIghajchoH. wa' Hogh ret 'oHayo Sep Dabbogh ghaH vISuch,
'ej wa' Hogh pIq chuchpuH vIDabbogh Such ghaH. matlhejchuq 'e' wItIv 'ej
tlhogh wInablI'. Do' ghurtaH DIch, quv je. 'oHayoDaq qaS tlhogh. ghIq naDev
chuchpuHDaq juHwIjDaq juHDaj choH ghaH.
[Interpreters' Note: "meq rammo'" is my half-assed, on-the-fly attempt for
"coincidentally". Everything else I'm reasonably satisfied with... so tell
it to the judge.]
--Andrew Strader
"Ya know, there's a million fine-looking women in the world, but very few of
them'll bring ya lasagna at work. Most of them'll just cheat on ya."
--Silent Bob