tlhIngan-Hol Archive: Mon Jan 07 11:06:17 2002
[Date Prev][Date Next][Thread Prev][Thread Next]
Re: De' QaQqu'
> [jIHvo' DachtaHmo' mu'ghom, mu' puS vIloy. QaghmeyHey tISIQlI', juppu'
> boqpu' je.]
qatlh pImnIS DaHjaj? pIj Qagh Hoch. qay'be'.
> muqelbogh De' QaQqu' yIbuSlI', 'eH. DaH bangwI' ghaHtaH be' Dun'e'. quv
> ghaH, 'IH, qejHa', matlh 'ej qurHa'. wa'waQ be'nalwI' moj ghaH. me'ghan 'oH
> pongDaj'e'.
qaHoy'. maHopqu' 'ach rapchuq ghu'maj.
> wa' cha' wej je ben, bangwI' ghaHtaH latlh'e'. meq rammo' bangvam vebHa'vaD
> me'ghan ponglu' je. toH, DaH jIHvaD motlhqu'mo' pongvam, bong DaHjaj bangwI'
> vIpongHa', not 'e' vIghuHnIS. {{;)
Do'ba'.
> 'a va, vISawmeH QaQbe' me'ghan vebHa',
> bangqoqwI' nI''e', 'ach QaQqu'bej me'ghan SaH, bangna'wI' chu' -- jIHvaD
> ghaH'e' vInI'moH 'e' vItul.
DanI'moHjaj... (Huj, 'ach Qap.)
> mISqu'law' qorDu'wIj, parmaqboqmeywIj yaj 'e'
> lunIDtaHvIS.
boqvaD jeS'a' parmaqpu'lI'? Qobchu'! wa' SoH. law'law' chaH.
> 'ach ghu' Do''e' DaH HochvaD vImaq: ret me'ghan QaQbe'
> vItlhejtaH; DaH jaS me'ghan QaQ vItlhejtaH. yajlu'meH ngeD, qar'a'?
ghu' Do' waH ghuy'Do wa'...
ghu' Do' waH
ghuy'Do wa'
jaS me'ghan Datlhejbe'. me'ghan pIm Datlhej. pImqu' ghu'meyvam.
'ach chaq jaS me'ghan pIm Datlhej je.
> javben me'ghan QaQ vIqIH 'ej vImuSHa'choH. mamuSHa'qu'chuq, 'ach not
> maQumchuqchu'.
potlh Qumchu'ghach.
> ngugh qItbe' parmaqmaj. va, qItchoHDI' parmaqmaj, pay' yoS
> pIm DIDabchoHpu' 'ej jIH ghaH je nuDantaH bangpu' muj.
nuHmey lo' bangpu'vam muj? lIquch'a'?
> mamoghqu' jIH ghaH
> je, 'ach wej maQumchuqqa', qaSpa' wej wen. toH, wa' wen tagha' parmaqna'maj
> wImaqchuq, 'ej DIch wIghajchoH. wa' Hogh ret 'oHayo Sep Dabbogh ghaH vISuch,
> 'ej wa' Hogh pIq chuchpuH vIDabbogh Such ghaH. matlhejchuq 'e' wItIv 'ej
> tlhogh wInablI'.
bISawpu'DI' nuqDaq boDab?
> Do' ghurtaH DIch, quv je. 'oHayoDaq qaS tlhogh. ghIq naDev
> chuchpuHDaq juHwIjDaq juHDaj choH ghaH.
ghu'Daj choHqangchu' banglI' Dojqu' parmaqqaylI'. bIDo'qu'.
> [Interpreters' Note: "meq rammo'" is my half-assed, on-the-fly attempt for
> "coincidentally". Everything else I'm reasonably satisfied with... so tell
> it to the judge.]
mu' <<bong>> vImaS 'ach qay'be'.
> --Andrew Strader
>
> "Ya know, there's a million fine-looking women in the world, but very few of
> them'll bring ya lasagna at work. Most of them'll just cheat on ya."
> --Silent Bob
teH.
bangwI'na'mo' jIDo'chu'.
charghwI'