tlhIngan-Hol Archive: Fri Aug 30 21:21:00 2002
[Date Prev][Date Next][Thread Prev][Thread Next]
Re: HeghmeH QaQbogh jaj yIngu'
jIHvaD jang tulwI':
>>loQ jItaQmo', cha' qoS vIlop. DaHjaj qaS Hov qoSwIj. wa'leS
>>qaS maS qoSwIj. Hov 'ISjaH lo' nugh motlh 'ach maS 'ISjaH lo'pu'
>>nugh tIQ law'. cha' 'ISjaH vIlo'mo', cha' qoS vIghaj. qaq, qar'a'?
>
>bIvalqu'bej. cha'logh qaHoy'. qoSlIjmo' vIvalmo' je. :)
choquvmoH. bIvalba' je 'ach loQ bIpabHa'. qalughmoHtaHvIS
qamaw 'e' vIHechbe'bej.
qaqlaw' <cha'logh qaHoy', qoSlIjmo' 'ej jIvalmo'>. bIyaj'a'?
>>potlh'a'? ghobe'. Daj qoSmey 'ach ram. leng chuq rur. leng potlh law'
>>chuq potlh puS.
>
>HISla'. qen - wa'Ha' - Dochvam'e' vIQub. puq maHtaHvIS 'ej qoSmaj
>qaStaHvIS, Quchqu' maH. qatlh? manenchoH 'e' vISovqu'. vaj maSey. 'ach DaH
>motlh maSeybe', manenchoHtaHbe' 'e' wISovmo'. vaj manen'a'? vIHon. nuq DaQub?
DaH qalughmoH:
<HISlaH. qen - wa'Hu' - Dochvam'e' vIQub...>
pabpo'pu' vIyu': <Dochvam'e' vIQub> pagh <Dochvam'e' jIQub> ?
<...puq maHtaHvIS 'ej qaStaHvIS qoSmaj, maQuchqu'.>
DaH jIjang:
maQuptaHvIS, manen wIneH. manenDI' maQupqa' wIneH. not mayonchu'.
jIQup 'e' vIqaw. qaStaHvIS wa' DIS, nI'qu' poHvetlh. DaH nI'be' wa' DIS.
jIqanqu'choHtaHvIS chaq ngajchoH wa' DIS. ngerHom vIghaj. wa'maH ben
jIboghpu'chugh vaj yInwIj wa'maH vatlhvI' 'oH wa' DIS'e'. cha'maH ben
jIboghpu'chugh vaj yInwIj vagh vatlhvI' 'oH wa' DIS'e'. chaq ghur wa' DIS Do,
nuptaHvIS yIn vatlhvI'. nuq DaQub SoH?