tlhIngan-Hol Archive: Fri Aug 30 05:24:07 2002
[Date Prev][Date Next][Thread Prev][Thread Next]
Re: HeghmeH QaQbogh jaj yIngu'
>vIttlhegh vIqawlaHbe'. ja'lu''a' <HeghmeH QaQ jajvam> ? pagh
>ja'lu''a' <HeghmeH QaQ DaHjaj> ?
>
>vIqaw vIneH, boghmeH QaQmo' [jajvam|DaHjaj]. DaHjaj qaS qoSwIj.
>
>loQ jItaQmo', cha' qoS vIlop. DaHjaj qaS Hov qoSwIj. wa'leS
>qaS maS qoSwIj. Hov 'ISjaH lo' nugh motlh 'ach maS 'ISjaH lo'pu'
>nugh tIQ law'. cha' 'ISjaH vIlo'mo', cha' qoS vIghaj. qaq, qar'a'?
bIvalqu'bej. cha'logh qaHoy'. qoSlIjmo' vIvalmo' je. :)
>motlh pImqu' qoSmeywIj 'ach DISvam tlhoS rap. qub wanI'.
>
>cha'maH cha'vatlh vaghmaH rep jIbogh. ramvetlh Hovmey legh vavwI'.
>ramvam Hovmey rap vIlegh. jIboghDI', ghangwI'vo' pepchoH maS. wa'leS
>ram maS-jajlo' rap vIbej.
>
>potlh'a'? ghobe'. Daj qoSmey 'ach ram. leng chuq rur. leng potlh law'
>chuq potlh puS.
HISla'. qen - wa'Ha' - Dochvam'e' vIQub. puq maHtaHvIS 'ej qoSmaj
qaStaHvIS, Quchqu' maH. qatlh? manenchoH 'e' vISovqu'. vaj maSey.
'ach DaH motlh maSeybe', manenchoHtaHbe' 'e' wISovmo'. vaj manen'a'?
vIHon. nuq DaQub?
tulwI',
sts.