tlhIngan-Hol Archive: Wed Sep 19 23:45:37 2001

Back to archive top level

To this year's listing



[Date Prev][Date Next][Thread Prev][Thread Next]

RE: chunbe' USA



jatlh Andrew:
vaghmaH Sochben Germany Japan je jeyta'DI', bIHvaD Huch law' nobbej USA, 'ej
bIHDaq vengmey tI'lu'lI' 'e' boQbej. 'a 'utbe' nobmeyvetlh.
jIjang:
Dunqu' USA Dup. jagh Qaw' 'e' 'oH mIw wa'DIch'e'. SIbI' jupchaj moj USA
'ej QaH 'e' 'oH mIw cha'DIch'e'. ghIq mIw wa'DIch lIjlu' net pIH. Dupvam vIHo'qu'.
USA Dup rurbogh Dup'e' vInablaHbe' jIH'e'.

jatlh Andrew:
DaH chun 'Iv? Afghanistan Taliban HeSmeyna' gherlaHbej je vay'.
jIjang:
mujbej Taliban chutmey. chunbe' je qumvetlh. 'ach yuQ SeH neHbe' Taliban.
'ej yuQ SeH neHbej USA qum.

jatlh Andrew:
wa' ngoD'e' yIqaw: not buQbe'bogh qoj Qojbe'bogh SepvaD Qoj USA
jIjang:
tIng charghDI' roj'a' USA? Mexico nganvaD Qojbe''a'? USA buQ'a' Mexico?
qo' noH cha'DIch jeSchoHDI' USA, USA yer HIvlu''a'?

jatlh Andrew:
'a Hochlogh HIvmeH meqqu' 'ej chaw' qumchut.
jIjang:
nuqjatlh? USA qumchut??? yuQ chutmey bIHbe'bej USA qut chutmey'e'.
USA chutmey pabnIS USA rewbe'pu' 'ach latlh puHmey chutmey vuvnIS USA qum.

jatlh Andrew:
ret AfghanistanvaD QojQo'mo' USA, 'ej wej buQchu'mo' Bin Laden,
raQDaj yotchu'Qo' 'oH.
jIjang:
wej USA qImmoHmo' Afghanistan, wej Afghanistan HIv USA. Dat USA naDbe'wI'pu'
lutu'lu'. Hoch naDbe'wI'pu' HoHmeH, yuQvam Qaw'nIS USA.
wa' nuvmo' wa' puH HIvlaHbe' USA.

jatlh Andrew:
'ach reH vIDwI' wa'DIch ghaHba' Bin Laden'e'. pIj Daqmey law'Daq vID ghaH,
qaStaHvIS DIS law'. lalDanqoq qechmo' neH HIvqangtaH ghaH.
America ngan HoH 'e' ra'bej batlhqoqDaj. mIgh. 'up.
jIjang:
jIQochbe'.

jatlh Andrew:
rewbe'pu'Daj chunqu'vaD pung yInob.
jIjang:
chaq loQ choyajHa'. USA rewbe'pu' vIpumbe'. USA qum vIpum.

jatlh Andrew:
qumchaj HeSmeymo' bIj luHevbe'nIS chaH.
jIjang:
Brasil ngan jIH. qaSDI' Qughvam, Hegh wa'vatlh Brasil nganpu'.
Hegh HevnIS pagh.

jatlh Andrew:
muSwI' neH ghaH HeSwI''e'. vaj HeSna'Daj mIghqu''e' yIqIch!
jIjang:
lu'. jIQochbe'.

jatlh Andrew:
'ej ghIq USA DanuSmeH poH lugh yIwIv.
jIjang:
qatlh? Heghmo' USA nganpu'? qaSDI' Dujmey Qughvam, Hegh je Brasil nganpu'.
USA Qugh 'oHbe'. yuQ Qugh 'oH Qughvam.
Heghbogh nuvpu' vIqIchbe'. USA qum vIqIch. Heghbogh nuvpu' vIqIchchugh,
puHwIj vIqIch je.

jatlh Andrew:
SorghwI''a''e', qum HoS'e' ghap: DaH tlhach
DaQutlhbogh yIwIv.
jIjang:
DaH chotIch jay'. HIvmeH, HoS lo' SorghwI''a'. noDmeH, HoS lo'qang USA.
pIm'a'? jaS ta''a'? vaj jIHvaD yIQIj. muQoghbe' vay' 'e' vItlhobbe'. vuDwIj vI'ang neH.
lugh SorghwI''a' 'e' vIHarbe'. 'ach lugh USA qum 'e' vIHarbe' je.
vuDwIj DawIv 'e' yInIDQo' je. bInIDchugh, chomawbej.

jatlh Andrew:
toH, ghaytan, ben puHlIj 'op nganpu' chaH DaHjaj USA 'op ngan
no'pu''e', Sarqu'mo' USA roghvaH mungmey.
jIjang:
USA Dabbogh tuqnIghmey'e' vIghaj.
USA rewbe'pu' vIparbe'
USA qum mIw'e' vIpar.
latlh puHmey SeH reH 'e' nID USA 'e' vImuS.



Back to archive top level