tlhIngan-Hol Archive: Wed Sep 19 02:53:54 2001
[Date Prev][Date Next][Thread Prev][Thread Next]
Re: chunbe' USA
- From: Andrew <[email protected]>
- Subject: Re: chunbe' USA
- Date: Wed, 19 Sep 2001 00:43:36 -0700 (PDT)
toH, HISlaH, chunbe' USA, tugh pe'vIl 'e' 'ang je 'oH. rut HeS USA, rut
HeSHa' -- cha'ben Turkey ngan boQ 'oH, Do'Ha' Qompu'DI' chaH, 'e' yItu'.
vaghmaH Sochben Germany Japan je jeyta'DI', bIHvaD Huch law' nobbej USA, 'ej
bIHDaq vengmey tI'lu'lI' 'e' boQbej. 'a 'utbe' nobmeyvetlh. reH mIghlaw''a' USA?
DaH chun 'Iv? Afghanistan Taliban HeSmeyna' gherlaHbej je vay'. Do'Ha'chugh
tera' ghu', pIch ghaj Hochna'. QI'yaH, Bin Laden DIv law', USA DIv puS.
chIch chepmoH 'oH, 'a chIch chepHa'moH ghaH. Qugh'a'vetlh lubaj'a' USA
rewbe'pu''e'? pImqu' USA qum ngoch, SorghwI''a'* ngoch je. wa' ngoD'e'
yIqaw: not buQbe'bogh qoj Qojbe'bogh SepvaD Qoj USA, 'a Hochlogh HIvmeH
meqqu' 'ej chaw' qumchut. ret AfghanistanvaD QojQo'mo' USA, 'ej wej
buQchu'mo' Bin Laden, raQDaj yotchu'Qo' 'oH. 'ach reH vIDwI' wa'DIch ghaHba'
Bin Laden'e'. pIj Daqmey law'Daq vID ghaH, qaStaHvIS DIS law'. lalDanqoq
qechmo' neH HIvqangtaH ghaH. America ngan HoH 'e' ra'bej batlhqoqDaj. mIgh. 'up.
va, DaH USA yInuSQo'. rewbe'pu'Daj chunqu'vaD pung yInob. qumchaj HeSmeymo'
bIj luHevbe'nIS chaH. muSwI' neH ghaH HeSwI''e'. vaj HeSna'Daj mIghqu''e'
yIqIch! 'ej ghIq USA DanuSmeH poH lugh yIwIv. toH, buQwI'pu' jeychu'ta'DI',
ngochmey choHlI' USA, pIq 'e' Daleghbej. 'op choH DaparHa', 'ach 'op Dapar
je. vaj bIyonchoH'a'? SorghwI''a''e', qum HoS'e' ghap: DaH tlhach
DaQutlhbogh yIwIv.
wejpuH, ngatlh USA 'e' DaqeHchugh, vaj yIqIm. DIvI' Hol vIttlhegh yItu':
"Everyone has their time in the sun." 'op nem, 'op ben joq, ngatlh qoj chep
puH DaDabbogh. toH, ghaytan, ben puHlIj 'op nganpu' chaH DaHjaj USA 'op ngan
no'pu''e', Sarqu'mo' USA roghvaH mungmey.
* A neologism for "terrorist". Accept it or don't.
--ghuy'Do
jI'IQHa'be'; toH, loQ jIQuch.
pemHov woj ngaSwI' vI'uch.
jIlI'be', 'ach nI'be' ghu'.
pIq poH'e' tugh Do' wItu'.
-- qonta' Gorillaz, 2001, 'ej vImughta' jIH