tlhIngan-Hol Archive: Wed Sep 19 17:51:35 2001

Back to archive top level

To this year's listing



[Date Prev][Date Next][Thread Prev][Thread Next]

charghwI'vaD jangmeH




Epictetus, Discourses, 1.2.12-18.

vaj, vay' muchmeH je ghaH, Nero yupma' 'elnIS 'e' SIv Florus. SIvtaHvIS,
ghaHvaD jatlh Agrippinus: "yI'el." 'ach ghelDI' latlh "qatlh Da'elbe'
SoH?", jatlh: "jIqelQo' je jIH." wa'logh wanI'meyvam buSbogh qechmey, Hur
ghu' potlhtaHghach qelchoHchugh vay', vaj nIteb ghobDaj ghajbogh lIjrup.
nuq choghel? "qaq'a' Hegh? qaq'a' yIn?" jIjang, "yIn." "qaq'a' 'oy'?
qaq'a' bel?" jIjang, "bel." "'ach, DawI' lut vIjeSQo'chugh, mongwIj
pe'lu'." vaj yIghoS 'ej yIjeS. 'ach vIjeSQo' jIH. "qatlh?" yIvbeH chIS
HapDaq wa' tlheghHom SoH neH 'e' DaHar. vaj nuq? vaj Hoch latlh ghot
DarurmeH Qu' Dalaj. 'ej Hoch latlh tlheghHommey qellu'chugh je, pagh le'
ghaj wa' tlheghHom. 'ach tlhegh Doq jIH vIneH jIH. bochbogh 'ay' mach 'oH;
'ej lughmeH 'ej 'IHmeH Hoch latlh meq 'oH. vaj qatlh chojatlh: "ghot law'
yIrur"? vIrurchugh, chay' tlhegh Doq jIHtaH?

-- 
==  ==  ==  ==  ==  ==  ==  ==  ==  ==  ==  ==  ==  ==  ==  ==  ==  ==  ==
Nick Nicholas, Breathing                      I REJECT {gumri}
[email protected]                     (Lojban Wiki, Resurrected Gismu)



Back to archive top level