tlhIngan-Hol Archive: Sat Jan 06 12:53:42 2001
[Date Prev][Date Next][Thread Prev][Thread Next]
tlhIlHal bIQ nge'wI'
- From: "De'vID" <[email protected]>
- Subject: tlhIlHal bIQ nge'wI'
- Date: Sat, 6 Jan 2001 15:54:40 -0500
- Importance: Normal
SKI: De'vID describes a project he just completed yesterday.
Voragh:
> : Klingon word: lel
> : Part of Speech: verb
> : Definition: get out, take out
>
> [...]
>
> Related verbs include {teq} "remove, take off", {jotlh} "take down",
> {nge'} "take away" and {yaH} "be taken away".
Do'qu'! These are just some of the words I need.
wa'Hu' jInmol vIrInmoH. pItlh.
nuq 'oH jInmol'e'? bIQ nge'wI' vISeH. tlhIlHal bIS'ubDaq pIj
bIQ boSlu'. tlhIltaH 'e' nIS bIQ. jo' QIH. SoDchugh,
tlhIlwI'pu'vaD Qob.
vaj bIQ nge'wI' poQ Hoch tlhIlHal. 'utchoHDI', bIQ nge'wI'
chu'ba' tlhIlHal De'wI'. 'ach rut bIQ nge'wI' chu'laHbe'
De'wI'. rut chu'lu'chugh, HeghmoH ghu'. qatlh?
tlhIlHalDaq jorbogh SIp (jorSIp) tu'lu'. tarSIp tu'lu' je.
SIp nochmey ghaj De'wI'. nge'wI' nISbe' tarSIp, 'ach tlhIlwI'pu'
HoH. SaHchugh jorSIp 'ej nge'wI' chu'lu'chugh, vaj jorbej
jorSIp. (quSDaq jIba', qar'a'?) bIQ nochmey ghaj je De'wI'.
SeHwI' vI'ogh. Qu'meyvam ta'nIS SeHwI': SoDchoHDI' bIQ nge'wI'
chu'nIS; yaHchu'DI' bIQ, nge'wI' chu'Ha'nIS. SaHDI' jorSIp,
chu' 'e' botnIS je. SaHDI' tarSIp jorSIp bIQ joq ghumnIS.
ngeDlaw', 'ach Qatlh.
Qapchu' mIqta' noch je 'e' Sovlu'be'. QapHa'laHmo' vaj QanmeH
nab nabnIS 'oghwI'. yapbe' wa' De'wI'. De'wI'mey poQlu', vaj
QapHa'chugh wa' De'wI', jor 'e' bottaH pat 'ej QobDI' ghumtaH.
QapHa'laH nochmey je. vaj wa' Qu'vaD nochmey law' tu'lu'.
QapHa'chugh wa' noch, Qaghbe'lI' De'wI'. (QapHa'chugh Hoch
nochmey, Qaghbej De'wI'!) bIQ tu'meH cha' DaH tu'lu'.
jen wa', 'eS latlh. bIQ tu'DI' nochmey jen, bIQ lellu'lI'
'e' taghnISlu'. bIQ tu'be'DI' nochmey 'eS, rIn 'ej QaD.
(cha'logh QaD: Qobbe' 'ej bIQ tu'be'lu' je vIHech!)
QapHa'laH nge'wI' je. vaj vIHtaH bIQ 'e' bej noch. nge'wI'
chu'lu'pu' 'ach 'eSchoHbe' bIQ vaj ghumnIS SeHwI'.
vaj Qu'meyvam ta' SeHwI'. 'ej QapHa'laHbe'. ghumchugh,
tlhIltaH 'e' mevmoH, 'ej mej tlhIlwI'pu'. wagh mIwvam.
(tlhIlmeymo' QaplaHbe'bej jol.) vaj Qobbe'taHvIS
ghumQo'. 'ach potlhqu' latlh ghu': QobDI' ghumnISqu'.
SoDchoHDI' 'ach SaHbe'DI' jorSIp, bIQ nge'wI' chu'.
lojDI' bIQ mev.
SeHwI' vI'ogh. tlhIlna'vaD vI'oghchugh, 'ej jIQaghchugh,
vaj Hegh nuvpu'. jIDo'. jIQagh 'e' vIpIHbe', 'ach
jIQaghchugh Hegh pagh. tojbogh pa' vIghun neH. DuSaQ'a'Daq
nger vIghojbogh vIwaH neH.
[Everything is true... except the part about transporters,
which haven't been invented (yet!), and for {tojbogh
pa' vIghun} "I programmed the holodeck", what I really did
was run a series of computer simulations. Close enough.]
--
De'vID
--
tlhIngan-Hol FAQ and unsubscribe instructions:
http://www.bigfoot.com/~dspeers/klingon/faq.htm
To unsubscribe, send e-mail to [email protected]