tlhIngan-Hol Archive: Sat Feb 17 12:52:58 2001
[Date Prev][Date Next][Thread Prev][Thread Next]
Re: Peace! (was Re: post)
- From: Alan Anderson <[email protected]>
- Subject: Re: Peace! (was Re: post)
- Date: Sat, 17 Feb 2001 13:52:01 -0500
- In-Reply-To: <[email protected]>
- References: Your message of Wed, 14 Feb 2001 00:18:43 -0500
ja'pu' Joel Peter Anderson <[email protected]>:
>Doghqu'! qatlh Hol lo'lu'taH? "roj" vIQumnISchugh vaj mu' "roj" vIlo'.
jIja':
>wejpuH. Hughmaj DaghoDmeH roj Dayuvqu'qanglaw'.
ja' HomDoq:
>nuqjatlh? roj <yuv> 'Iv?
mu' yuvtaH Joel. chaq rojqoq Dalajqangchu'mo' wanI' Daghovbe'.
>roj chuplu' neH.
wa'logh mu' jatlhchugh, tlhuptaHvIS, ghaytan jIQochbe'. 'ach
jatlhqa'taHmo', chupbe'qu'taH 'e' vIqapnIS.
Joel:
>That is silly - we speak to communicate, and not always communicate ideas
>that people agree with.
jIH:
>DaH bIDoghbej SoH. roj DaneHchugh, qatlh bIQochmeH <roj> Dajatlh?
HomDoq:
>nuqjatlh?? bIvempu''a'? 'a bIQongtaH'a'? QochmeH <roj> jatlh 'Iv?
mInlIj tIpoSmoH! QochmoHbogh qech jatlh neHba' Joel.
jatlhlu': chIm mu' <roj>. vIpar.
jatlh Joel: bIDogh. maQochmeH jIQum vIneH. vaj qaja'qa' <roj>.
>roj vIchupchugh 'ej lajbe'lu'chugh, lajHa'meH roj vIchup'a'?
wanI' yIbuS:
qech Dajatlh. qech lajbe'lu'. maj; qay'be'. Dachupta' neH.
'ach ghIq qech rap lajbe'lu'bogh Dajatlhqa'. qay'choH.
Dachuppu' 'e' Damev. DaqapchoHpu'.
DaH bIrojHa'choHpu' SoH, <roj> Dajatlhqa'taHvIS.
>> lugh SarrIS. roj luHutlhchugh cha' nuv, Qapbe' <roj> jatlhbogh wa'.
>
>cha' DoS wIqIp. Qapbe' roj chup wa', 'ach roj chup pagh,
>not roj luta'. chay' roj ta'lu', not chuplu'chugh?
chay' roj ta'lu'? napba'! yIchupQo'. yIvang jay'! roj DaneHchugh, yIroj
neH. DaSuv 'e' yImev. <roj> yIjatlhtaHQo'.
'ach roj ta'qu'lu' 'e' DaQubchugh, roj Dayajbe'chu'.
Dach yol 'e' neH 'oS roj.
yol mevmeH roj chupchugh nuv, jIbepbe', 'ach yol mevchugh neH qaqba' ghu'.
DachtaHchugh yol, ruj chup SengmoHwI' neH.
>> roj lughajchugh, 'utbe' mu' -- 'ej jatlhlu'chugh, ghu' 'arghmoH neH.
>>
>jIQoch. roj wIHutlhchugh, roj vIchupmeH, <roj> vIjatlhlaH.
>roj wIghajchugh, taHmeH rojvam, <roj> vIjatlhlaH.
maghobbe'taHvIS, <roj> Dachupchugh, SIbI' jIpIHchoH. qatlh qechvetlh
chupnIS jupHey? marojlaw'pu'chugh, marojnIS 'e' chup jupqoq neH.
taHmeH roj, pagh yIjatlh. roj DamaSchu'bogh yISujQo'.
DaH qeSwIj'e' vIlob 'ej jIrojmeH jItamchoH. jIchupbe' neH. jIvang.
-- ghunchu'wI' 'utlh