tlhIngan-Hol Archive: Mon Aug 13 08:30:04 2001
[Date Prev][Date Next][Thread Prev][Thread Next]
Re: Klingon computing
- From: Alan Anderson <[email protected]>
- Subject: Re: Klingon computing
- Date: Wed, 25 Jul 2001 16:50:14 -0500
- In-Reply-To: <003101c11025$462133e0$e93131d9@pc>
- References: <v0310285db77c2cdcc681@[90.0.0.43]><003101c11025$462133e0$e93131d9@pc>
ja' Quvar:
>Qorwaghmey *machtun* vImaSchu' JIH!
wo'vetlh mIghvaD *machqu'tun* vIpong jIH.
>ghobe'!! jIqID neH }}:-)
vImuS je, 'ej jISagh. juHwIjDaq *naHDe'wI'* vIlo'. "Apple"
vImaSchu'. yaHwIjDaq <Qorwagh> vIlo' net raD, 'ej vIlo'taHvIS
jIpo'bej...'ach vImuStaH. reH mubot. reH munuQ. pIj taQ. wab HoS
vIlISmeH qatlh wab SeHlaw vIchu'be'nIS? qatlh pImqu' pIqaD tetlh
Sar? HIDjolev vIchu' 'e' vInIDtaHvIS qatlh pay' ngab HIDjolev
jIwIvpa'? rut mujqu' lughba'bogh mIw. mIw lugh vIghojlaHbej, 'ach
reH mIw lugh vIghojnIS. qub mIw chu' vIlo'laHbogh vIHaDpa'.
'ej HIDjolev chu' "alt" 'e' wIv 'Iv jay'? jIghItlhtaHvIS, nom vIH
nItlhwIj. bong "alt" Hotchugh SenwI'rIj, mu'mey vIghItlhtaHbogh
vIchIl 'ej ghaytan bong ghItlhwIj Dotlh vIchoH, ghay'cha'!
batlh Hutlh <Qorwagh>.
-- ghunchu'wI' 'utlh