tlhIngan-Hol Archive: Fri Sep 29 09:44:34 2000
[Date Prev][Date Next][Thread Prev][Thread Next]
RE: DujwIj chu'
- From: "d'Armond Speers" <[email protected]>
- Subject: RE: DujwIj chu'
- Date: Fri, 29 Sep 2000 10:43:30 -0600
> mura'laHbogh bang vIHutlhmo' 'ej mumevmoHlaHbogh be'
> vIHutlhmo' cha'Hu' DujwIj chu' vIje'. *Honda Insight* 'oH.
> cha' QuQ ghaj. nIn lo' wa'. 'ul lo' latlh. nIn lo'taHghach
> nupmeH nIn lo'wI' QaH 'ul lo'wI'.
toH, Dujvam vIlegh. 'IH!
> wa' tlho'ren muD neH ngaS nIn QuQ. HoSbe' QuQ 'ach
> tISqu'mo' Duj 'ej QaHmo' 'ul QuQ, yap. wejvatlh cha'maH jav
> cheb neH ngI' Duj. wa'maH loS qelI'qam lengmeH wa' tlho'ren
> nIn poQlu'.
muD lam tlhuchbe', qar'a'?
> QIt jaHDI' QuQ, puj nIn QuQ mach 'ach HoS 'ul QuQ. QaHqu'.
> chungDI' Duj qoj SalDI' Duj QaHqu' 'ul QuQ. nom jaHDI' QuQ,
> HoS nIn QuQ 'ej QaH poQbe'. ghIrDI' Duj qoj chungHa'DI'
> Duj, choH 'ul QuQ Qu'. 'ul polwI' HujmeH 'ul lIngchoH 'ul
> QuQ.
>
> mumevmoHDI' Duj mevmoHbogh wovwI''e', DujwIjDaq mev Hoch
> QuQ. tamchoHchu'. loS. *gear* vIchu'DI', SIbI' tagh nIn
> QuQ. valqu' Dujvam.
wagh'a'? DujwIj vIje'DI', jIQuchqu'. taj rurchugh, vaQ. 'ach QIt
jIQuchHa'choH. ghor vay', 'ej vItI'. ghIq ghor latlh, 'ej vItI'. tlhoS
jIpuQ! veQ Duj 'oH DujwIj'e' 'e' vIHarchoH.
> Dochmey 'ugh vIqengmeH DujwIj ngo' vIpol. DaH cha' Duj
> vIghaj. Qap Dujvam rurbogh Dujmey vIneHchu'. puqpu'vaD muD
> nIn je polmeH Duj Seghvam maSnIS HochHom nuvpu'. vuDwIj
> vI'angmeH HuchwIj vIlo'.
Hmm, tIqlIj Da'aghchu'!
> per poQ Dujvam. <<QaH 'ul>> vIqel.
vo' 'ul
'ul Do
taQbang Say'
> 'ej pong chu' vIwuq. DaH SarrIS mupongnIS tlhInganpu'.
>
> *Galaxy Quest* DaSov'a'? pongvam Dangu'laH'a'?
rut bIqej, 'e' vIchID, 'ach bItojbe'. Duma'chu''a' pongvetlh?
> SarrIS.
--Holtej, pongDaj choHbe'bogh
CONFIDENTIALITY NOTICE
This electronic mail transmission and any accompanying documents contain
information belonging to the sender
("Information") that may be confidential and legally privileged. If you are
not the intended recipient, any disclosure, copying,
distribution or action taken in reliance on the Information is strictly
prohibited. If you have received the Information in error,
please contact the sender by reply email and destroy all copies of the
original email.
Thank you.