tlhIngan-Hol Archive: Fri Sep 29 07:46:50 2000
[Date Prev][Date Next][Thread Prev][Thread Next]
DujwIj chu'
- From: "William H. Martin" <[email protected]>
- Subject: DujwIj chu'
- Date: Fri, 29 Sep 2000 10:46:29 -0700 (Pacific Daylight Time)
- Priority: NORMAL
mura'laHbogh bang vIHutlhmo' 'ej mumevmoHlaHbogh be'
vIHutlhmo' cha'Hu' DujwIj chu' vIje'. *Honda Insight* 'oH.
cha' QuQ ghaj. nIn lo' wa'. 'ul lo' latlh. nIn lo'taHghach
nupmeH nIn lo'wI' QaH 'ul lo'wI'.
wa' tlho'ren muD neH ngaS nIn QuQ. HoSbe' QuQ 'ach
tISqu'mo' Duj 'ej QaHmo' 'ul QuQ, yap. wejvatlh cha'maH jav
cheb neH ngI' Duj. wa'maH loS qelI'qam lengmeH wa' tlho'ren
nIn poQlu'.
QIt jaHDI' QuQ, puj nIn QuQ mach 'ach HoS 'ul QuQ. QaHqu'.
chungDI' Duj qoj SalDI' Duj QaHqu' 'ul QuQ. nom jaHDI' QuQ,
HoS nIn QuQ 'ej QaH poQbe'. ghIrDI' Duj qoj chungHa'DI'
Duj, choH 'ul QuQ Qu'. 'ul polwI' HujmeH 'ul lIngchoH 'ul
QuQ.
mumevmoHDI' Duj mevmoHbogh wovwI''e', DujwIjDaq mev Hoch
QuQ. tamchoHchu'. loS. *gear* vIchu'DI', SIbI' tagh nIn
QuQ. valqu' Dujvam.
Dochmey 'ugh vIqengmeH DujwIj ngo' vIpol. DaH cha' Duj
vIghaj. Qap Dujvam rurbogh Dujmey vIneHchu'. puqpu'vaD muD
nIn je polmeH Duj Seghvam maSnIS HochHom nuvpu'. vuDwIj
vI'angmeH HuchwIj vIlo'.
per poQ Dujvam. <<QaH 'ul>> vIqel.
'ej pong chu' vIwuq. DaH SarrIS mupongnIS tlhInganpu'.
*Galaxy Quest* DaSov'a'? pongvam Dangu'laH'a'?
SarrIS.