tlhIngan-Hol Archive: Fri Sep 29 13:03:38 2000
[Date Prev][Date Next][Thread Prev][Thread Next]
RE: DujwIj chu'
- From: "William H. Martin" <[email protected]>
- Subject: RE: DujwIj chu'
- Date: Fri, 29 Sep 2000 16:03:19 -0400 (Eastern Daylight Time)
- Priority: NORMAL
> > mura'laHbogh bang vIHutlhmo' 'ej mumevmoHlaHbogh be'
> > vIHutlhmo' cha'Hu' DujwIj chu' vIje'. *Honda Insight* 'oH.
> > cha' QuQ ghaj. nIn lo' wa'. 'ul lo' latlh. nIn lo'taHghach
> > nupmeH nIn lo'wI' QaH 'ul lo'wI'.
> toH, Dujvam vIlegh. 'IH!
jIQochbe'.
> > wa' tlho'ren muD neH ngaS nIn QuQ. HoSbe' QuQ 'ach
> > tISqu'mo' Duj 'ej QaHmo' 'ul QuQ, yap. wejvatlh cha'maH jav
> > cheb neH ngI' Duj. wa'maH loS qelI'qam lengmeH wa' tlho'ren
> > nIn poQlu'.
> muD lam tlhuchbe', qar'a'?
tlhuchDI' Dujvam, muDDaj watlh law' Hoch watlh puS.
> > QIt jaHDI' QuQ, puj nIn QuQ mach 'ach HoS 'ul QuQ. QaHqu'.
> > chungDI' Duj qoj SalDI' Duj QaHqu' 'ul QuQ. nom jaHDI' QuQ,
> > HoS nIn QuQ 'ej QaH poQbe'. ghIrDI' Duj qoj chungHa'DI'
> > Duj, choH 'ul QuQ Qu'. 'ul polwI' HujmeH 'ul lIngchoH 'ul
> > QuQ.
> > mumevmoHDI' Duj mevmoHbogh wovwI''e', DujwIjDaq mev Hoch
> > QuQ. tamchoHchu'. loS. *gear* vIchu'DI', SIbI' tagh nIn
> > QuQ. valqu' Dujvam.
> wagh'a'?
vIDIlmeH cha'netlh DeQ poQ.
> DujwIj vIje'DI', jIQuchqu'. taj rurchugh, vaQ. 'ach QIt
> jIQuchHa'choH. ghor vay', 'ej vItI'. ghIq ghor latlh, 'ej vItI'. tlhoS
> jIpuQ! veQ Duj 'oH DujwIj'e' 'e' vIHarchoH.
Do'Ha'. chorghnetlh loSvatlh javmaH Soch qelI'qam
lengpu'pa' Dujvam, ghorchugh vay' tI' Suy 'ej jIDIlnISbe'.
DIbvam vIDIlmeH wa'SaD DeQ poQ.
> > Dochmey 'ugh vIqengmeH DujwIj ngo' vIpol. DaH cha' Duj
> > vIghaj. Qap Dujvam rurbogh Dujmey vIneHchu'. puqpu'vaD muD
> > nIn je polmeH Duj Seghvam maSnIS HochHom nuvpu'. vuDwIj
> > vI'angmeH HuchwIj vIlo'.
> Hmm, tIqlIj Da'aghchu'!
muD watlhHa'moH puqpu' ghajbogh qoHpu''e' 'ej nIn natlhqu'
je. nuq lutlhuH puqpu'chaj? nuq lumeQ puqpu'chaj? loQ
wej boghpu'bogh latlhpu'vaD muD nIn je vIpol. not puq
vIghajtaH 'ach chaq puqpu' vIQaHlaH.
> > per poQ Dujvam. <<QaH 'ul>> vIqel.
> vo' 'ul
> 'ul Do
> taQbang Say'
QaQ pongmeyvam. vIqel.
> > 'ej pong chu' vIwuq. DaH SarrIS mupongnIS tlhInganpu'.
> > *Galaxy Quest* DaSov'a'? pongvam Dangu'laH'a'?
> rut bIqej, 'e' vIchID, 'ach bItojbe'. Duma'chu''a' pongvetlh?
Dop Hurgh vIQoychoH. mIv Hurgh vItuQchoH. naDev tlhIngan
Hol neH vIlo'qang 'ej vIHIvlu'chugh jInaSchoH. reH Suvrup
SuvwI''a' net Sov. not jISuvqangbe'qa'.
> > SarrIS.
> --Holtej, pongDaj choHbe'bogh
rol vIteqDI' pong chu' vIneHchoH.
SarrIS.