tlhIngan-Hol Archive: Sat Jan 22 22:59:35 2000
[Date Prev][Date Next][Thread Prev][Thread Next]
veD rutlh je (was Re: Klingon WOTD: rIHwI' (n))
ja' Qov:
>wa'logh rIHwI'mey lo'bogh *qoqyIH*qoq'e' vIchenmoH. vIchenmoH 'e' vItIv.
Qu' DalajDI', roD DatIvba'. nobvetlh le' vIHevDI' mumerqu' 'ej mubelmoH.
>muD Duj verghDaq vItobtaHvIS, mubejqu' puqpu'. 'ach ghoS 'e' mev qoqyIHqoq.
>rutlhmey nIS veDDaj. (vIchenmoHtaHvIS cha' mu'meyvetlh DIghajbe').
ngo'choHtaH *qoqyIH*. HuStaHbogh veD lujon rutlh. tugh vItI' 'e' vInID.
qep'a' SochDIch vIghoStaHvIS, tepwIj vuSbe'lu'mo' *qoqyIH* vIqengbej.
rIHwI' chu' vIjom 'e' vIHechba'.
>SuDo' 'e' boSovbe', DaHjaj tlhIngan Hol ghojbogh QupwI'pu''e', tlhIH.
>mataghtaHvIS rutlhmey'e' DIghajbe' jay'. DIngbogh ghomey'e' neH DIlo'nIS.
>'ej ghu' wItIv!
majQa'! jIHaghtaHvIS tlhoS jItlhuHlaHbe'!
be'nalwI'vaD SoSwI'vaD je jIQIj 'e' vInID. yajbe' chaH. jIQIjqa'.
tagha' qID luyaj, 'ach tlhoy jIQIjnISmo', chaHvaD tlhaQbe'choH.
-- ghunchu'wI' 'utlh