tlhIngan-Hol Archive: Thu Sep 02 21:19:29 1999

Back to archive top level

To this year's listing



[Date Prev][Date Next][Thread Prev][Thread Next]

muSuch jupwI' le'



loSmaH wa'leS muSuch jupwI' le'. Sochben be'vam vIqIH. Quvmaj 
DInobchuq. qaStaHvIS Soch DIS QInmey DItam. wej maghomqa'.

mu'meyDaj vItIvqu'. jatlhDI' bomlaw'. chovnatlh qanob:

muja': <<cha'nob DIrur. nobna' DIQoymeH ngaSwI' DIvIHmoH 'ach 
qoD So'lu'taH. tugh ngaSwI' DIpoSmoHlaH.>>

cha'maH cha'vatlh wejmaH rep paw muDDujDaj. juHwIj maghoS. meb 
QongDaqDaq jIQongtaHvIS QongDaqwIjDaq Qong jupvam. vemDI' ngem 
le' HuD je vI'ang. bIrchoHmo' muD 'IHchoH pormey 'e' vItul. 
*Seattle* Dab vaj pa' choHbe' DuQwI'mey rurbogh porqoqmey'e'.

loSmaH wejleS tagh mI'meH wanI' le'. qaStaHvIS wej jaj mamI'. 
loSmaH javleS *Hinton, WV* wIghoS. pa' juppu'Daj vIqIH. nIteb 
juHwIj jIchegh. loSmaH chorghleS wa'maH vaghvatlh rep mej 
muDDujDaj.

qabDaj vIlegh vIneH. ghoghDaj vIQoy vIneH. vIloSnIS. jISIQlaH 
jInajtaHvIS.

charghwI' 'utlh



Back to archive top level