tlhIngan-Hol Archive: Wed Sep 01 02:10:48 1999

Back to archive top level

To this year's listing

[Date Prev][Date Next][Thread Prev][Thread Next]

Re: Shabbat (was Re: Qe' chu' vItu')

In a message dated 8/18/1999 8:26:45 PM US Mountain Standard Time, 
aranders@netusa1.net writes:

<< Shabbat jaj boquvmoHmeH boqawtaHvIS, qaStaHvIS jav jaj Sulop 'ej
   Suvum.  'ach joH'a'ra' Shabbat 'oH jaj SochDIch'e'.  Suvumbe'nIS
   tlhIH, puqloDpu'ra', puqbe'pu'ra', toy'wI'pu'ra', Ha'DIbaHmeyra' [sic],
   lISuchlI'bogh novpu' je.  qaStaHvIS jav jaj 'u' qo' je chenmoH
   jH'a [sic]; bIQ'a'mey, Hoch ngaSbogh 'oH je chenmoH je; jaj SochDIch
   leSchoH.  vaj Shabbat jaj naDchu' jH'a [sic] 'ej quvchoHmoHchu'. >>
=============
chut'a'vam DaQIjmo' qatlho', ghunchu'wI'.  batlh DaQIjchu'.

'ach wa' qechmo' jIghelnIS:  maleSmeH jajvam wIlop je, qar'a'?  Hogh jajmey 
loplu'meH mIwmey DIwoDbej 'ej naDmeH mIwmey neH DI'lo', 'ach malop?  chaq 
DIvI' Hol qech neH 'oS mu'vam {lop}.  

potlhqu'mo' Qun pongmey, pablIj DaQIj vIneHbej:

qatlh DIp mu' {joH'a'ra'} naQ DaghItlh 'ej cha'logh jH'a' DaghItlh?  reH Qun 
pongmey SeQ naQHa'moH chutmey pabchu'wI'pu' net Sov, 'ach cha' mIwmey 
Dalo'pu'?  qatlh?  mu' {j-H'a'} vIchup.  DIvI' Hol Qun pong ghItlhmeH mIw 
rur. 

peHruS

Back to archive top level