tlhIngan-Hol Archive: Wed Oct 20 17:00:46 1999
[Date Prev][Date Next][Thread Prev][Thread Next]
nuq 'oH quv'e'?
- From: SuSvaj <[email protected]>
- Subject: nuq 'oH quv'e'?
- Date: Wed, 20 Oct 1999 19:19:26 -0500
muqaDtaHbej ghu' Qatlhqu'. 'ejghu'vammo', qen quv vIqeltaHqu'. tlhIHvaD
ghu'wIj vIDel. wej Qu' vIghaj. ghojwI' jIH, lIw ghojmoHwI' jIH 'ej jabwI'
jIH. Soch wen bogh Qe' vItoy'bogh. 'ej qaStaHvIS poHvetlh naQ Qe'vam 'ej
vu'wI'pu'Daj vItoy'chu'ta'. Qe' chu' 'oHmo, qaStaHvIS jarmey law' qab
malja'Daj. Qatlhqu' jarmeyvam 'ach vu'wI'pu' vuvmo', 'ej parHa'mo' QaS
(jabwI'pu', vutwI'pu', ect.), taH QaS 'ej taH Qe'. matlhqu' Qe'vam beqpu'.
'ach DaH De' qab vIghojpu'. HeghtaH Qe'. loSleS rInbej Qe', 'ej Huch yap
ghajbe'law' *owner*, qaStaHvIS Hogh Qav vumwI'pu'Daj DIl 'e' Hechbe'
*owner*. ngoDvam Sov beqpu' neHbe'mo' *owner*, De'vam pegh ghaH.
ghu'vammo' QeHqu' vu'wI' HochHom, 'ach De'vam peghqang chaH.
toH chay' De'vam vIghaj 'e' DaSIv'a'? wa' jabwI' chaj ghaH wa' vu'wI''e',
'ej jabwI'vamvaD De' qab nob ghaH (*Maggie* 'oH jabwI' pong'e'). 'ej
jupwI' ghaHmo' *Maggie*'e' jIHvaD jatlh. jIHvaD De'vam nobpa' *Maggie*,
"paghvaD De'vam DanoblaHbej. 'e' Data'chugh, vaj SoHvaD vIjatlh 'e'Sov
vu'wI' chajwI', 'ej not muvoq ghaH" 'e' jatlh *Maggie*. DaH 'e' vI'Ipmo'
jIQoSqu', 'ej jIQeHqu'. Qe' Qu'vam vIpoQchu'be', latlh Qu'mey vIghajmo.
'ach poQbej latlhpu' law'. qorDu'mey ghaj nuvpu'vam, 'ej chaH lo'taHbej
Qe' *owner*. DaH Sov cha' beqpu' neH (*Maggie* jIH je'). latlhpu'
vIghuHmoH vIneHqu', 'ach 'e' vIta'chugh, *Maggie*vaD jIlay'Ha'bej.
toH...nuq vIta'. latlhpu' vIghuHmoHbe'chugh quvwIj vIQIHbej. 'ej
vIghuHmoHchugh jIlay'Ha', 'ej quvwIj vIQIHbej.
SuSvaj