Re: nuq 'oH quv'e'?

["William H. Martin" <whm2m@virginia.edu>]

On Wed, 20 Oct 1999 19:19:26 -0500 SuSvaj 
<zayericd@pilot.msu.edu> wrote:

> muqaDtaHbej ghu' Qatlhqu'.  'ejghu'vammo', qen quv vIqeltaHqu'.  tlhIHvaD
> ghu'wIj vIDel.  wej Qu' vIghaj.  ghojwI' jIH, lIw ghojmoHwI' jIH 'ej jabwI'
> jIH.  Soch wen bogh Qe' vItoy'bogh.  'ej qaStaHvIS poHvetlh naQ Qe'vam 'ej
> vu'wI'pu'Daj vItoy'chu'ta'.  Qe' chu' 'oHmo, qaStaHvIS jarmey law' qab
> malja'Daj.  Qatlhqu' jarmeyvam 'ach vu'wI'pu' vuvmo', 'ej parHa'mo' QaS
> (jabwI'pu', vutwI'pu', ect.), taH QaS 'ej taH Qe'.  matlhqu' Qe'vam beqpu'.
>  'ach DaH De' qab vIghojpu'.  HeghtaH Qe'.  loSleS rInbej Qe', 'ej Huch yap
> ghajbe'law' *owner*, qaStaHvIS Hogh Qav vumwI'pu'Daj DIl 'e' Hechbe'
> *owner*.  ngoDvam Sov beqpu' neHbe'mo' *owner*, De'vam pegh ghaH.
> ghu'vammo' QeHqu' vu'wI' HochHom, 'ach De'vam peghqang chaH.  

bIqarchu'. Qatlhbej ghu'lIj.
 
> toH chay' De'vam vIghaj 'e' DaSIv'a'?  wa' jabwI' chaj ghaH wa' vu'wI''e',
> 'ej jabwI'vamvaD De' qab nob ghaH (*Maggie* 'oH jabwI' pong'e').  'ej
> jupwI' ghaHmo' *Maggie*'e' jIHvaD jatlh.  jIHvaD De'vam nobpa' *Maggie*,
> "paghvaD De'vam DanoblaHbej.  'e' Data'chugh, vaj SoHvaD vIjatlh 'e'Sov
> vu'wI' chajwI', 'ej not muvoq ghaH" 'e' jatlh *Maggie*. 

batlhHa' vangpu'DI' jeSwI'pu' law', ghaytanHa' ghu' batlhna' 
yInqa'moHlaH wa' quvwI'. batlhHa' vang *owner*. peghHa'pu' 
vutwI'. peghHa'pu' jabwI' chaj. peghHa'pu' *Maggie*. DaH Dura' 
*Maggie*. jalth: {HIDaQo'! SoHvaD batlhHa' jIvang 'ach 
latlhpu'vaD yIwuqQo'! SoHvaD jIwuq 'ach latlhpu'vaD yIwuqQo'!}

jupwI'pu' chu' DapoQ.

> DaH 'e' vI'Ipmo'
> jIQoSqu', 'ej jIQeHqu'.  Qe' Qu'vam vIpoQchu'be', latlh Qu'mey vIghajmo.
> 'ach poQbej latlhpu' law'.  qorDu'mey ghaj nuvpu'vam, 'ej chaH lo'taHbej
> Qe' *owner*. 

quvHa'wI' batlhqoq DaHubnIS'a'?

> DaH Sov cha' beqpu' neH (*Maggie* jIH je').  latlhpu'
> vIghuHmoH vIneHqu', 'ach 'e' vIta'chugh, *Maggie*vaD jIlay'Ha'bej.   

Suja'chuqnISba'. qatlh *owner* boHub?
 
> toH...nuq vIta'.  latlhpu' vIghuHmoHbe'chugh quvwIj vIQIHbej. 'ej
> vIghuHmoHchugh jIlay'Ha', 'ej quvwIj vIQIHbej.

law' jeSwI'pu'. yuD *Maggie*. mayHa'.

chaq jabwI'pu'vaD bIchup. yIjatlh: <<potlhna' Sov *Maggie*. 
pegh. jIlaypu''mo' vI'anglaHbe'.>>

ghu'lIj QatlhmoH *Maggie*. qatlh Dalaj? DaHoSghajmoHQo'.
 
> SuSvaj   

charghwI' 'utlh