tlhIngan-Hol Archive: Mon May 03 13:27:17 1999
[Date Prev][Date Next][Thread Prev][Thread Next]
Re: muD Duj
- From: Robyn Stewart <[email protected]>
- Subject: Re: muD Duj
- Date: Mon, 3 May 1999 13:28:55 -0700 (PDT)
lab ghunchu'wI'
> ja' Qov:
> Dajjaj mumoghmoHbogh qeqmeH Qu' vIDel.
>
> <DaHjaj> DaghItlhHa'pu''a'?
bIlugh.
>> Sabchugh muD Dotlh qoj jIropchoHchugh qoj QapHa'choH Duj chaq
>> HatlhDaq
>> vISaqnIS. SaqmeH pat vIqeq.
>
> pab nIt vIqel: ghaytan <jISaqnIS> lugh law' <vISaqnIS> lugh puS.
DIvI' Hol tlhIngan Hol je qellu'taHvIS qechvam wIvnISlu'. jIwuqta'
jIH: DelmeH Qu' vInapmoH. jItenDI' matay'choH jIH Duj je. mavIH maH.
jIpuv, jItlhe', jISar, jIghIr, jISaq, jImev. Dujvo' jIyongHa'DI' ratlh
Duj 'ej nIteb jIyIt.
>>cha') yotlh vIwIv. beQnIS. letnIS. tIqnIS. Huvbe'nIS.
>
> Huvbe'nIS'a'? HuvnIS 'e' vIpIH. waQbe'nISlu' 'e' vIpIH.
bIlugh. qechwIj vIqonHa'.
>>wej) 'Iv: 1000'. DaqwIj vIchol. yotlh DungDaq jIpuv. vInID.
>
> lugh'a' <nID>? <nuD> QaQ law' <nID> QaQ puS 'e' vIQub.
bIlughqa'.
>loS) yotlh retlhDaq vItlha', SuS lurgh 'oH lurghwIj'e'.
>
> nuq Datlha'? <jItlhe'> DaghItlhHa''a'?
bIlughtaH.
>>machmeH DowIj,
>>loQ tel tInmoHwI'mey vIchu'. SaqbeH Duj 'e' vI'ol.
>
> janmey vIghovlaw', 'ach tel tInmoHbej'a'? vavwI' DujDaq, tel SIHlaw'
> neH. tel HoS'e' lughurlaw', 'ach tel tInmoHbe'.
DujwIjDaq tel tInmoH 'ej SIghmoH je. *Fowler* *flap*mey bIH. tel
qoDvo' nargh. tInqu' *Cessna* *flap*mey.
> wa'logh yotlhDaq Saq vavwI'. Duj yotlh 'oHbej, 'ach bot tI
> yoblu'lI'bogh. SaqmeH "haystack" junnIS ghaH. :-) Saqpu'DI', DopDaq
> "haystack"-vetlh wIyuvHmeH yavDujwIj wIlo'.
SaqmeH Daq 'oH 'e' Sovbe''a' wIjwI'?
>> jav) chalogh jItlhe'qa'. 'o'wIjDaj SuS. QumwI' vIlo'. DajwIj,
>> DotlhwIj je vIlI'.
>
> Sumlaw' <q> <j> je. cha'logh <Daj> DaghItlh <Daq> DaneHba'taHvIS.
bIlugh.
>>raQpo'pu' vItogh. (ngeD - cha' quS ghaj DujwIj!)
>
> vaj nom DatoghlaH. Duj tIn Dara'choHDI', ghurlaH poH 'e' yIqaw. :-)
petogh'egh jIjatlh. :)
>>raQpo'wIjvaD ghu' vIDel. jIra'. jIjatlh <yotlhvetlhDaq maSaqnIS.
>>'o'Daq quSlIj yIvIHmoH. qoghmeylIj yIQey'moH.
>
> bIjatlhnIS <tIQeymoH.>
'ej jIjatlhnIS <raQpo'wI'>. chaq vIghIjqu'mo' jatlhlaHbe', 'ach nuv
ghaHtaH!
>QablIj DaQanrupmeH weplIj yISuq.
>
> lo'laHqu''a' raQpo'lI' Qab? tar oH' Qab'e'. nach 'et 'oH qab'e'.
jIHagh. mu'tlhegh vIqontaHvIS tlhoS mu'vetlh vIqawlaHbe'. tlhoS
<nach> vIghItlh 'ach pay' qa'meH vIttlhegh vIqaw 'ej mu' vIqaw[Ha'].
DujwIjDaq Qabtu'lu' wIQannISbej pagh maSaqpa' wIwoD. SIp 'oH'a'
Qab'e'?
>>qul HIvwI' Daq, SoH 'emDaq, yIqaw.
>
> Huj. vavwI' DujDaq meQHa'wI' Daq vISovbe'. Do' not wIlo'nISpu'.
CanadaDaq meQHa'wI' qengnIS Hoch Duj. 'ej DaqDaj SovnIS raQpo'
tlhe'choHpa' QuQ. USADaq 'utbe'. chaq vavlI' Duj Hutlh meQHa'wI'.
> 'ej not wIlo'laH -- SochHu' Dujvetlh ngev ghaH.
> lut tIq vIngajmoH: qaStaHvIS Hut DIS verghDaq ratlh 'ej puvbe'.
Hut DIS! ghu'vetlh par Duj. What is the vIttlhegh about the unused
qutluch? It applies equally to aeroplanes.
>>yav wIHotpa' lojmIt yIpoSmoH. vIHbe'DI' Duj, yImej, 'et yIghoSbe'>.
>
> <yI-> Dalo'nIS, 'ut <-Qo'>. bIjatlhnIS <'et yIghoSQo'>.
> 'ach bIra'meH meq vIyajbe'. roD Qob'a' 'et?
'etDaq nom DIng vo'wI'. DIngtaHchugh, raQpo' HoHlaH.
DIngHa'choHchugh, lagh'eghlaH 'ej 'ay'mey Qob ghomHa'laH. 'etDaq QuQ
tu'lu' je. tuj QuQ, nargh SIpmey SuQ, 'ej meQchoHchugh Duj, meQmoH
QuQ.
>> Soch) jItlhe' 'ej jIghIrchoH. jItlhe'qa'.
>
> bItlhe'qa'qu'law'taH. chay' "be dizzy" vImugh? :-)
mumoghbogh mIw 'oHbej. jISaqpa', cha'logh yotlh vInuDnIS, wa'logh
jIjentaHvIS vIjuS 'ej wa'logh jISumtaHvIS jIjuS.
>>chorgh) 'Iv 500': jIghIr 'e' vImev. yotlh vInIDqu'. vIjuStaHvIS
jIpoH.
>
> yotlh DanuDqu', qar'a'? chaq qechlIj vIyajbe'.
> SaqmeH lup 'ar poQlu'?
jIpuvchoHmeH, cha'maH vagh vImaS. Do: 70kts.
>>Hut) jISar. yotlhvam vIlo'laH'a'? jIwuqnIS.
>
> nuqjatlh? bISar'a'? lughbe'law' mu'vam.
vIqawHa''a'? bIng vIghoSmeH jIghIr. Dung vIghoSmeH jI....?
>>I'm having a heck of a time with y-words today. I *think* yol is
>>conflict, yot is calm and yotlh is field.
>
> The verb "be calm" is {jot}.
> {yot} is both a verb meaning "invade" and a noun "invasion".
chaq laHwIj vISeHqa'meH jISuv DaHjaj 'e' DaHar!
There's an appropriate qa'meH vIttlhegh for me today, but lets see if I
can get through it without needing another:
reH latlh qabDaq qul tuj law' qablIjDaq qul tuj puS.
>>SKI: Qov describes the steps in a "precautionary landing."
>
> Daj pongvetlh. tugh puvlaHbe'mo' SaqnIS, 'ach qaSbe'law' chachna'.
mIw Dayajchu'.
===
Qov - pab 'utlh
_________________________________________________________
Do You Yahoo!?
Get your free @yahoo.com address at http://mail.yahoo.com