tlhIngan-Hol Archive: Thu May 06 21:17:12 1999
[Date Prev][Date Next][Thread Prev][Thread Next]
Re: muD Duj
ja' Qov:
>DIvI' Hol tlhIngan Hol je qellu'taHvIS qechvam wIvnISlu'. jIwuqta'
>jIH: DelmeH Qu' vInapmoH. jItenDI' matay'choH jIH Duj je. mavIH maH.
>jIpuv, jItlhe', jISar,
bISal.
>jIghIr, jISaq, jImev. Dujvo' jIyongHa'DI' ratlh
>Duj 'ej nIteb jIyIt.
Duj DatuQlaw'. machqu'ba' Cessna 152. :-)
>> wa'logh yotlhDaq Saq vavwI'. Duj yotlh 'oHbej, 'ach bot tI
>> yoblu'lI'bogh. SaqmeH "haystack" junnIS ghaH. :-) Saqpu'DI', DopDaq
>> "haystack"-vetlh wIyuvHmeH yavDujwIj wIlo'.
>
>SaqmeH Daq 'oH 'e' Sovbe''a' wIjwI'?
wIjwI' yotlh 'oH. jajvetlh pa' Saq vay' 'e' pIHbe'. mungbogh Hogh
yotlh vInuD 'ej yaplaw', 'ach pawpa' vavwI' yotlhDaq chen tI HuDHommey.
>> Huj. vavwI' DujDaq meQHa'wI' Daq vISovbe'. Do' not wIlo'nISpu'.
>
>CanadaDaq meQHa'wI' qengnIS Hoch Duj. 'ej DaqDaj SovnIS raQpo'
>tlhe'choHpa' QuQ. USADaq 'utbe'. chaq vavlI' Duj Hutlh meQHa'wI'.
CanadaDaq malengta' vaj Hutlhbe'bej. lengvetlhmo' lutmey Daj vIghaj.
chaq qep'a'Daq jIja'.
>> lut tIq vIngajmoH: qaStaHvIS Hut DIS verghDaq ratlh 'ej puvbe'.
>
>Hut DIS! ghu'vetlh par Duj. What is the vIttlhegh about the unused
>qutluch? It applies equally to aeroplanes.
bIlughchu'. qunHom vIQIj: Hut DIS taQbang patDaq chen QarghHomHey.
'ochHom teqlu', 'ej tI'lu'pa' taHHa' Duj DIS poj. qaSlaHpa' DIS poj
chu', taHHa' vavwI' Hergh Dotlh chaw'. Hergh Dotlh chaw' chu'qa'laHpa'
Qel, "asthma"-na' SIQchoH vavwI'. tugh vI' DIS law'. verghDaq pa'
Duj mob. DaH Duj je'lI' loD. Duj lunuDmeH ghaH vavwI' je, qen
verghDaq jaH 'ej Duj QuQmey chu' 'e' lunID. Qap wa' QuQ; vavwI' mer.
latlhvo' nIjqu' nIn.
>...vIqawHa''a'? bIng vIghoSmeH jIghIr. Dung vIghoSmeH jI....?
bISal.
>...chaq laHwIj vISeHqa'meH jISuv DaHjaj 'e' DaHar!
Qatlhlaw' 'e' vIchID. 'ach loQ Dujmey vISovmo' qechlIj vIyajchu'.
-- ghunchu'wI'